Korea Kusini

• Nchi ya Korea imekabili msimu mrefu zaidi uliowahi kutokea wa mvua zinazotokana na badiliko la kila mwaka la mwelekeo wa upepo

• Mvua kubwa iliyomwagika mfululizo imesababisha mafuriko na maporomoko ya ardhi

• Wahubiri 16 walilazimika kuhama makao yao

• Nyumba 30 ziliharibiwa kidogo

• Majumba ya Ufalme 19 yaliharibiwa

• Tawi la Korea imeteua Halmashauri tatu za Kutoa Msaada

• Halmashauri za Kutoa Msaada zinashirikiana na waangalizi wa mzunguko pamoja na makutaniko yaliyo katika maeneo yaliyoathiriwa katika kuwasaidia ndugu na dada zetu

• Usafi unaohitajika kufanywa pamoja na urekebishaji wa nyumba zilizoharibiwa na Majumba ya Ufalme pia, unaendelea

• Katika jiji la Gurye, moja kati ya sehemu ambazo zimeathiriwa sana, Ndugu Min-seong Lee na mke wake walilazimika kuhama nyumba yao na kuacha mali zao zote. Nyumba yao ilijaa maji kabisa. Pindi jitihada za kutoa msaada zilipoanza, mwakilishi wa Halmashauri alisafisha nyumba ya familia ya Lee na kuwapa wenzi hao mahitaji ya msingi. Baada ya hapo ndugu wanaofanya kazi katika Halmashauri hiyo wakawafariji wenzi hao kupitia Maandiko. Dada Lee alisema hivi kuhusu msaada huo: “Ninashukuru sana kwa msaada huo. Kila kitu walichofanya kilipita kile tulichotarajia. Wamesimamia mambo kana kwamba wanahangaikia nyumba zao wenyewe. Ni kweli kwamba nimepoteza vitu vingi, lakini nimepata zaidi ya kile nilichopoteza.”

Tunafurahi kwamba Yehova, “Mungu wa faraja yote” anaendelea kuwatunza na kuwajali ndugu na dada zetu nchini Korea katika hiki kipindi kigumu.—2 Wakorintho 1:3, 4.