AGOSTI 30, 2018
KOREA KUSINI
Mahakama Kuu ya Korea Kusini Yasikiliza Hoja Kuhusu Kukataa Kujiunga na Jeshi kwa Sababu ya Dhamiri
Alhamisi, Agosti 30, 2018, Mahakama Kuu ya Korea Kusini ilisikiliza kesi ya umma iliyohusu Mashahidi wa Yehova watatu ambao walikataa kujiunga na jeshi kwa sababu ya dhamiri. Mambo mengi yamejadiliwa kwa miaka mingi kuhusu kuwafunga gerezani wanaokataa kujiunga na jeshi nchini Korea, kwa hiyo, mahakimu wote 13 waliwauliza mawakili wa Mashahidi na watu wengine maswali kuhusu suala hilo kwa muda wa saa nne. Mahakimu pia walizungumzia kwa kina uamuzi wa kihistoria uliotolewa na Mahakama ya Kikatiba Juni 28, 2018, ambao uliagiza serikali ya Korea iandae utumishi wa badala kwa ajili ya wale ambao kikweli wanakataa kujiunga na jeshi kwa sababu ya dhamiri badala ya kuwafunga kama wahalifu. Mawakili waliiomba Mahakama itoe uamuzi wa kutokuwa na hatia katika kisa cha ndugu hao watatu, ili uwe kielelezo cha kuigwa na mahakama za chini zilizo na kesi zaidi ya 900 kama hizo zinazosubiri kutolewa uamuzi. Sasa ni uamuzi wa Mahakama Kuu kujua ni lini na jinsi gani itakavyotoa hukumu katika kesi hizo tatu walizosikiliza.
Tukiwa na uhakika kamili, sisi pamoja na ndugu waaminifu zaidi ya 100 walio gerezani tunaendelea kumngoja kwa subira Mungu wa wokovu wetu.—Mika 7:7.
Huenda Ukapenda Pia
TAARIFA ZA HABARI
Kesi ya Mahakama Makuu Inapokaribia, Aliyekataa Kujiunga na Jeshi Apata Tumaini
Agosti 30, 2018, Mahakama Kuu ya Korea Kusini itasikiliza kesi mbele ya umma ili kuchunguza maagizo yaliyotolewa na Mahakama ya Kikatiba ya kutoa utumishi wa badala wa kiraia kwa ajili ya watu wanaokataa kujiunga na jeshi kwa sababu ya dhamiri.
TAARIFA ZA HABARI
Kurekebisha Suala la Wanaokataa Kujiunga na Jeshi kwa Sababu ya Dhamiri: Uamuzi Uliosubiriwa Sana wa Mahakama ya Kikatiba ya Korea Kusini
Katika uamuzi wa kihistoria, Mahakama ya Kikatiba imeagiza serikali ya Korea Kusini iandike upya Sheria ya Utumishi wa Kijeshi ili kuwe na utumishi wa badala kufikia mwishoni mwa mwaka wa 2019.
TAARIFA ZA HABARI
Watu Wengi Watoa Maoni Kuhusu Kutambuliwa kwa Haki ya Kukataa Kujiunga na Jeshi kwa Sababu ya Dhamiri Nchini Korea Kusini
Hata ingawa hakuna uamuzi uliofanywa na mahakama au sheria mpya iliyotungwa, Korea Kusini imeboresha maoni yake kuhusu wale wanaokataa kujiunga na utumishi wa kijeshi kwa sababu ya dhamiri.