Januari 20, 2024, vitabu vya Biblia vya Mathayo na Marko vilitolewa katika Lugha ya Ishara ya Kuba kwenye programu ya pekee iliyofanyika kwenye Jumba la Makusanyiko la Guanabacoa Havana, nchini Kuba. Toleo hilo lilikuwa tayari kupakuliwa kwenye jw.org.

Inakadiriwa kwamba watu 53,000 ambao ni viziwi wanaishi nchini Kuba. Kuanzia mwanzoni kwa miaka ya 1990, jitihada za pekee zilifanywa ili kuwafikishia habari njema viziwi wanaoishi nchini Kuba. Machapisho yanayotegemea Biblia yalitolewa kwa mara ya kwanza katika Lugha ya Ishara ya Kuba mwaka wa 2011. Leo, ndugu na dada 756 wanatumikia katika makutaniko 28 ya lugha ya ishara na vikundi 10 nchini Kuba.

Hii ndiyo mara ya kwanza kwa kitabu cha Mathayo na kitabu cha Marko kutafsiriwa katika Lugha ya Ishara ya Kuba. Dada mmoja alisema hivi: “Jinsi ambavyo simulizi la Yesu la kumponya kipofu limetafsiriwa kwenye Marko 7:32-37 linanifanya nihisi kwamba mimi ndiye niliyeponywa! Simulizi hilo limegusa sana moyo wangu. Sasa ninaweza kuwazia vizuri jinsi maisha yatakavyokuwa katika ulimwengu mpya. Asanteni!”

Tunashangilia pamoja na wale ambao wamepata zawadi hii ya kiroho, tukiwa na uhakika kwamba wote ambao wanatumia Lugha ya Ishara ya Kuba watampenda zaidi Yehova kwa ‘moyo wao wote na kwa nafsi yao yote na kwa akili yako yote na kwa nguvu zao zote.’​—Marko 12:30.