Mei 27, 2023, majengo mapya ya shule ya Biblia yamewekwa wakfu jijini Antananarivo, Madagaska. Ndugu Kenneth Cook, Jr., mshiriki wa Baraza Linaloongoza, alitoa hotuba ya wakfu yenye kichwa “Jengo Linalomletea Yehova Sifa.” Siku iliyofuata, programu ya pekee ilifanywa katika Jumba la Kusanyiko na ilitazamwa na watu zaidi ya 45,000 kupitia televisheni.

Katika ofisi ya tawi ya Madagaska shule za kitheokrasi zilianza Desemba 1999. Hata hivyo, hatua kwa hatua hakukuwa na nafasi ya kutosha kwa ajili ya ndugu na dada wengi ambao wako tayari kupata mazoezi ya ziada. Julai 2020, eneo lenye ukubwa wa mita 1,348 za mraba lililo karibu na ofisi ya tawi lilinunuliwa. Muda mfupi tu baada ya hapo ujenzi wa majengo ya shule ya Biblia ulianza. Licha ya vizuizi vilivyotokea wakati wa janga la COVID-19, mradi huo ulikamilika ndani ya miaka miwili tu. Eneo hilo lina jengo moja kwa ajili ya darasa na lingine kwa ajili ya makazi ya wanafunzi na walimu. Shule ya Waeneza-Injili wa Ufalme na pia Shule ya Waangalizi wa Mzunguko na Wake Zao zitafanyiwa hapo.

Kadiri mazoezi ya kitheokrasi yanavyoongezeka, elimu inayotolewa inawasaidia ndugu na dada zetu hata zaidi “[kufafanua] mambo ya kiroho kwa maneno ya kiroho.”​—1 Wakorintho 2:13.