Januari 8, 2023, Ndugu Daniel Jovanovic, mshiriki wa Halmashauri ya Tawi ya Makedonia Kaskazini alitoa Biblia​—Habari Njema Kulingana na Mathayo katika Kiromani (cha Makedonia) cha maandishi ya Kisirili na ya Kiroma.

Kitabu hicho cha Biblia kilitolewa katika tukio la pekee lililofanyika Skopje, Makedonia Kaskazini. Vikundi na makutaniko yote yanayotumia Kiromani (cha Makedonia) katika eneo la ofisi ya tawi ya Ulaya ya Kati yalipata fursa ya kusikiliza programu hiyo kupitia JW Stream. Mara tu baada ya kutolewa, watu wangeweza kupakua kitabu hicho katika mfumo wa kielektroni na pia rekodi za kusikiliza. Wale ambao walihuduria tukio hilo uso-kwa-uso walipata nakala zilizochapishwa za kitabu hicho za maandishi ya Kisirili.

Kuna lugha nyingi za Kiromani zenye lahaja mbalimbali. a Mashahidi wa Yehova walianza kutafsiri kwa ukawaida machapisho katika lugha ya Kiromani (cha Makedonia) mwaka wa 2007. Kwa sasa, watafsiri wa lugha hiyo wanafanyia kazi katika ofisi ya tawi iliyo Skopje ambapo kuna watu wengi zaidi wanaozungumza Kiromani katika Makedonia Kaskazini.

Ndugu mmoja alisema: “Ninaposoma kitabu hiki kwa lugha yangu ya asili, ninahisi kama Yehova anaongea na mimi moja kwa moja.”

Ndugu mwingine alisema: “Sasa ninaposoma kitabu cha Biblia cha Mathayo ninapata picha mara moja akilini ya habari ambazo Yesu alikuwa akiwaambia wasikilizaji wake.”

Tunasali kwamba ndugu na dada zetu wataendelea kutumia kikamili toleo hili jipya ili “kuhubiri habari njema ya Ufalme.” —Mathayo 9:35.