Juni 5, 2022, Tafsiri ya Ulimwengu Mpya ya Maandiko ya Kigiriki ya Kikristo ilitolewa katika Kiiban. Ndugu na dada wengi walienda kwenye Majumba ya Ufalme ili kutazama programu iliyorekodiwa mapema ya kutolewa kwa Biblia hiyo. Wahubiri wengine walitazama programu hiyo kupitia mtandao. Nakala zilizochapishwa zitapatikana mwezi wa Julai au mwezi wa Agosti 2022.

Walipokuwa wakitafsiri Biblia hii, watafsiri walihitaji kufikiria kwa uangalifu tofauti zilizopo katika lahaja za Kiiban zinazotumiwa katika maeneo mbalimbali. Wasomaji kadhaa kutoka maeneo mbalimbali waliwasaidia watafsiri kuchagua maneno ambayo watu wengi wanaozungumza Kiiban wangeweza kuelewa.

Tafsiri hii mpya itawasaidia pia wahubiri kueleza kweli za Biblia kwa usahihi katika huduma. Kwa mfano, ilikuwa vigumu kwa wahubiri kufafanua andiko la Yohana 4:24, ambalo linasema hivi kwa sehemu: “Wale wanaomwabudu [Mungu] lazima wamwabudu kwa roho na kweli.” Biblia za Kiiban walizotumia hapo awali zilitafsiri neno “roho” kwa kutumia neno linalomaanisha “roho za wafu.” Tafsiri hiyo haikuwa sahihi. Kwa hiyo ilikuwa vigumu kwa watu wanaopendezwa kuelewa jinsi wanavyopaswa kumwabudu Mungu.

Mmoja wa watafsiri alisema hivi kuhusu thamani ya toleo hili jipya: “Kupata Tafsiri ya Ulimwengu Mpya ya Maandiko ya Kigiriki ya Kikristo katika lugha yetu kunaonyesha wazi kwamba Yehova anawapenda kwa dhati watu wote.”

Tunasali kwamba toleo hili la Biblia la hivi karibuni, litawasaidia watu wanaozungumza Kiiban kuelewa Biblia vizuri zaidi, kumkaribia Mungu, na kumsifu Yehova.​—Zaburi 117:1.