Hivi karibuni shirika jipya la kisheria linaloitwa Jehovah’s Witnesses in Malta (JW-Malta) liliandikishwa nchini humo. Desemba 28, 2021, shirika la JW-Malta lilipata Cheti cha Kuandikishwa kwa Mtu wa Kisheria. a

Mashahidi wa Yehova wamekuwepo nchini Malta tangu 1970 hivi. Hata hivyo, kwa makumi ya miaka, makutaniko hayakutambuliwa kisheria. Hilo lilifanya iwe vigumu kwa makutaniko kumiliki ardhi au hata kufungua akaunti ya benki. Katika mwaka wa 1994, International Bible Students Association (IBSA) likawa shirika ambalo halijaandikishwa nchini Malta. Ingawa hilo liliipa IBSA haki fulani, haki hizo zilikuwa chache. Kuandikishwa huko kwa JW-Malta hivi karibuni kunafanya iwe rahisi zaidi kwa ofisi ya nchi na makutaniko nchini Malta kutenda kwa uhuru.

Ndugu Joe Magri, mshiriki wa Halmashauri ya Nchi ya Malta anasema hivi kuhusu kuandikishwa huko kulikofanywa hivi karibuni: “Limekuwa jambo lenye kuimarisha imani kuona Yehova akitusaidia kupata utambulisho wa kisheria. Alitubariki kwa kutupa msaada wa ndugu katika Idara za Sheria nchini Uingereza na kwenye makao makuu ambao walitusaidia kupata uandikisho huu. Tunafurahi sana kushiriki katika kuendeleza masilahi ya Ufalme na kumsifu Yehova hata zaidi kwa sababu jina lake ni sehemu ya jina la shirika hili jipya la kisheria.”

Kwa sasa kuna zaidi ya Mashahidi 800 nchini Malta, katika makutaniko 11. Tunashangilia kwamba kazi ya ‘kuhubiri kuhusu Ufalme wa Mungu,’ iliyoanzishwa na mtume Paulo miaka 2,000 hivi iliyopita, inaendelea kusonga mbele “bila kizuizi.”​—Matendo 28:1, 30, 31.