Januari 11 na 12, 2020 dhoruba kubwa ilipiga maeneo ya kusini mwa Marekani na Marekani ya kati. Mvua kubwa zilinyesha kwa siku mbili, zikiambatana na upepo mkali, na tufani zilizopiga mara kadhaa na kusababisha uharibifu mkubwa katika majimbo kadhaa ya Marekani. Inasikitisha kwamba Ndugu Albert Barnett aliyekuwa na umri wa miaka 85 na mke wake, Dada Susan Barnett, aliyekuwa na umri wa miaka 75, walikufa tufani ilipopiga nyumba yao.

Ofisi ya tawi ya Marekani pia inaripoti kwamba nyumba za akina ndugu zaidi ya wanne zilipata uharibifu mdogo, pamoja na Majumba mawili ya Ufalme. Vilevile, dhoruba hizo ziliharibu jengo la biashara la ndugu mmoja.

Wazee katika eneo hilo na mwangalizi wa mzunguko wanatoa msaada unaohitajika na kitia moyo kinachotegemea Biblia kwa wale walioathiriwa na msiba huo. Tunajua kwamba Baba yetu wa mbinguni, Yehova, anawafariji ndugu na dada wanaomboleza kwa sababu ya msiba huu.—Zaburi 34:18.