Arkansas, Mississippi, Louisiana magharibi, na Texas mashariki

• Agosti 27, 2020 Kimbunga Laura kilichokuwa na nguvu nyingi kilipiga eneo la Louisiana magharibi na kusababisha uharibifu mkubwa wa mali na kukata umeme katika sehemu kubwa.

• Tunasikitika kuripoti kwamba dada mmoja mwenye umri mkubwa alikufa alipokuwa akiokolewa kutoka kwenye kituo cha afya

• Dada mwingine alipata jereha dogo

• Wahubiri 3,992 walilazimika kuondoka nyumbani kwao kwa muda fulani

• Nyumba 10 za ndugu zetu ziliharibiwa

• Nyumba 95 na Majumba 4 ya Ufalme yaliharibiwa kwa kadiri kubwa

• Nyumba 192 na Majumba 16 ya Ufalme yaliharibika kwa kadiri ndogo

• Ofisi ya tawi ya Marekani imeanzisha Halmashauri ya Kutoa Msaada

• Waangalizi wa mzunguko na wazee wa eneo hilo wanaendelea kuwasaidia wahubiri kupata mahali salama pa kulala katika kipindi hiki ambacho hawawezi kurudi kwao

• Ndugu katika maeneo jirani waliwakaribisha wengine nyumbani kwao, huku wakidumisha tahadhari za afya zinazohusiana na ugonjwa wa virusi vya corona (COVID-19). Ndugu mmoja aliyeokolewa anasema hivi: “Mambo yote haya yanatuonyesha baraka za Yehova!”

Kwa kutii mwongozo na kuwasaidia wengine walio na uhitaji, ndugu na dada zetu katika maeneo yaliyoathiriwa na kimbunga hicho “[wanajipendekeza] kuwa wahudumu wa Mungu.”—2 Wakorintho 6:4.