California, Oregon, na Washington

• Moto unaowaka upesi umeteketeza eneo lenye ukubwa wa zaidi ya eka milioni tano kuanzia California hadi Washington

• Moto unaendelea kutokeza hewa inayoweza kudhuru afya

• Ukubwa wa moto unaowaka katika eneo moja la California haujawahi kutokea katika historia ya jimbo hilo

• Wahubiri 4,546 wamelazimika kuhama makao yao

• Nyumba 61 zimebomoka

• Nyumba 16 zimepata uharibifu

• Halmashauri za Kutoa Msaada zimeendelea kushirikiana na waangalizi wa mzunguko pamoja na wazee wa makutaniko ili kuwasaidia ndugu na dada ambao wamelazimika kuhama makao yao, huku wakidumisha tahadhari kuhusiana na ugonjwa wa virusi vya corona (COVID-19)

Ndugu walioathiriwa na moto huo wanashukuru kwamba Yehova amewategemeza kupitia tengenezo lake. Dada mmoja ambaye nyumba yake iliharibiwa alisema kwamba akina ndugu “walikuwa tayari kuandaa kila kitu tulichohitaji hata kabla ya sisi kujua tulichohitaji.”

Ingawa ndugu na dada zetu katika eneo lililoathiriwa wanaendelea kukabiliana na majaribu hayo, Yehova anaendelea kuwajali kwa wororo sana na kuwaonyesha rehema.—Yakobo 5:11.