Jioni ya Aprili 7, magereza mawili ya Jimbo la Palm Beach, Florida, yalionyesha hotuba iliyorekodiwa ya Ukumbusho kwa ajili ya wafungwa 1,100, ingawa hakuna Shahidi wa Yehova aliyeweza kufika kwa ajili ya programu hiyo.

Ndugu 12 hushiriki kuhubiri katika gereza hilo kila juma. Mmoja kati yao alisema hivi: “Tulishangazwa sana na jinsi kila kitu kilivyofanikiwa. Ilikuwa wazi kwamba Yehova alitaka wanaume hao wasikilize hotuba ya Ukumbusho.”

Akina ndugu walikuwa wamemwomba mkuu wa gereza idhini ya kuadhimisha Ukumbusho katika magereza hayo mawili. Baada ya vizuizi kuwekwa kwa sababu ya ugonjwa wa virusi vya corona, mipango hiyo ilifutwa. Kabla ya akina ndugu kutafuta njia nyingine, mkuu huyo aliwashangaza kwa kuomba warekodi hotuba hiyo ya Ukumbusho mapema. Alikuwa akifanya mipango ya kuonyesha hotuba hiyo katika magereza yote mawili.

Mbali na kumtumia video, akina ndugu walipanga kumtumia mialiko ya Ukumbusho ili aigawe au kuipachika ukutani. Akina ndugu walishangaa tena kufahamu kwamba mkuu wa gereza alikuwa tayari amepachika matangazo katika majengo yote ili kutangaza hotuba hiyo ya Ukumbusho. Jioni ya Ukumbusho, wafungwa wote wangeweza kuitazama hotuba hiyo ya Kimaandiko.

Baada ya Ukumbusho, mkuu huyo wa gereza aliwasiliana na akina ndugu ili kuomba Biblia za ziada kwa ajili ya wafungwa. Biblia zote walizokuwa wameacha mapema kwenye magereza hayo zilikuwa zimekwisha. Hata hivyo, wafungwa wengi zaidi bado waliomba kupata Biblia.

Tunashangilia kwamba hata magereza hayawezi kuzuia Neno la Mungu kuwafikia watu.—Mathayo 24:14.