Novemba 14, 2019, mwanafunzi mmoja alianza kuwarushia risasi wanafunzi wenzake katika shule ya sekondari Santa Clarita, California. Mwanafunzi huyo aliua wanafunzi wenzake wawili na kujeruhi wengine watatu kabla ya kujipiga risasi mwenyewe.

Inasikitisha kwamba mmoja kati ya wanafunzi waliouawa ni Dominic Blackwell ambaye ni mtoto wa dada yetu. Alikuwa na umri wa miaka 14 na alihudhuria mikutano kwa ukawaida pamoja na mama yake, Dada Nancy Blackwell. Dominic alikuwa na familia iliyotia ndani wazazi wake pamoja na ndugu zake wadogo watatu. Wazee wanafariji familia yao pamoja na kutaniko lao kupitia Maandiko.

Tunasikitika sana kusikia kuhusu hili tukio baya. Tunatazamia wakati ambapo Mungu “atafuta kila chozi . . . , na kifo hakitakuwapo tena, wala maombolezo wala kilio wala maumivu hayatakuwapo tena.”—Ufunuo 21:4.