MEI 22, 2017
MAREKANI
Siku ya Wageni Katika Makao Makuu Mapya ya Mashahidi Ilifurahiwa na Jamii
NEW YORK—Jumamosi, Aprili 29, 2017, Mashahidi wa Yehova walikuwa na siku ya pili ya wageni katika makao makuu mapya Warwick, New York, na ilihudhuriwa na watu wengi kuliko siku ya kwanza.
Kulikuwa na wageni 468 waliohudhuria tukio hilo Jumamosi iliyopita, ongezeko la asilimia 18 juu ya wale waliofika Jumamosi ya kwanza. “Tulifurahi sana kwamba majirani wengi, hasa maofisa wa mji, walifika na kutembelea majengo yetu yaliyokamilika,” anasema Troy Snyder, msimamizi wa majengo ya makao makuu. “Tulikuwa pia na wakaaji wa eneo hilo waliorudi kutembelea eneo hilo wakitegemea mambo waliyoona katika siku ya kwanza ya wageni.”
Ingrid Magar
Siku hizo mbili za wageni, zilizofanywa Jumamosi mbili zilizofuatana kati ya saa 4:00 asubuhi na saa 10:00 mchana, zilikuwa na jumla ya wahudhuriaji 863. Bw. Snyder anasema hivi: “Siku za wageni zilikuwa na matokeo mazuri. Wengi waliohudhuria walieleza jinsi walivyofurahia. Tunatazamia kwa hamu kuwakaribisha majirani wetu wakati mwingine wakipenda kutembelea eneo letu na vitu vya kale kuhusiana na Biblia.”
Ingrid Magar, mkaaji wa eneo lililo karibu la Tuxedo Park, New York, ni mmoja kati ya majirani wengi waliokaribishwa. Alikuwa amefanyia kazi kampuni inayoitwa Nickel iliyomiliki eneo hilo mapema. Alifanya kazi ya utafiti kwa miaka 18 katika maabara yao ya kuchunguza chuma. Akikumbuka jinsi ambavyo eneo hilo lilitumiwa, anasema hivi: “Nimefurahia ujenzi wa eneo la Warwick. Lilikaa muda mrefu bila kutumiwa na haikujulikana lingetumiwaje. Ni eneo maridadi na mmeliboresha.” Bi. Magar pia alisema hivi kuhusu wakaaji wapya: “Ninahisi kwamba ninyi [Mashahidi wa Yehova] ni majirani wazuri. Mna fadhili, mnajali mazingira, mnawajali majirani, na nahisi kwamba ni pendeleo kubwa kuwa na majirani kama ninyi.”
William Hoppe
“Ilikuwa wazi kwamba walitaka kufanya kazi yenye ubora wa hali ya juu kabisa. . . . Hilo linaonekana wazi katika majengo yaliyokamilika,” akasema William Hoppe, mhandisi aliyekagua mradi wa Mji wa Warwick katika miaka miwili ya mwisho ya ujenzi. “Nimeshangazwa sana na jinsi walivyotunza mazingira wakati wa ujenzi, na kudumisha, na jinsi walivyo makini kuhusiana na mazingira katika ujenzi wote. Na ninafikiri ni mfano mzuri wa kuigwa na miradi mingine ya ujenzi itakayofanywa.”
Wanahabari Wanaweza Kuwasiliana na:
David A. Semonian, Ofisi ya Habari za Umma, +1-845-524-3000
Huenda Ukapenda Pia
TAARIFA ZA HABARI
Siku ya Wageni Warwick: Mahojiano na William Hoppe
‘Kila eneo lilikuwa safi kabisa na mradi wa ujenzi wa Warwick ni mojawapo ya miradi salama zaidi nimewahi kushiriki.’
TAARIFA ZA HABARI
Siku ya Wageni Warwick: Mahojiano na Ingrid Magar
‘Nimefurahia ujenzi wa eneo la Warwick. Ni eneo maridadi na mmeliboresha. Ni pendeleo kubwa kuwa na majirani kama ninyi.’
TAARIFA ZA HABARI
Watu 400 Hivi Watembelea Makao Makuu ya Mashahidi wa Yehova Wakati wa Siku ya Wageni
Mashahidi wa Yehova walikuwa na siku ya kwanza ya wageni kati ya siku mbili ambazo watatumia kuwashukuru majirani na wengine waliounga mkono ujenzi wa makao makuu mapya.
TAARIFA ZA HABARI
Shirika la GBI Latoa Tuzo la Juu Zaidi kwa Sababu ya Majengo Yasiyoharibu Mazingira ya Makao Makuu ya Mashahidi
Shirika la Majengo Yasiyoharibu Mazingira (GBI) liliwapa Mashahidi wa Yehova tuzo la juu zaidi la Four Green Globes kwa sababu ya majengo 7 mapya yaliyoko Warwick, New York.
MIRADI YA UJENZI
Awamu ya 6 ya Picha za Warwick (Machi hadi Agosti 2016)
Miezi ya mwisho ya ujenzi wa makao makuu mapya ya ulimwenguni pote ya Mashahidi wa Yehova yaliyoko Warwick, New York.
MIRADI YA UJENZI
Majirani Wapya Kule Warwick
Wakazi wa eneo la Warwick, New York, wanaeleza mambo ambayo wamejionea walipofanya kazi na Mashahidi wa Yehova wakati wa ujenzi wa makao yao makuu ya ulimwenguni pote.