Tangu Mei 3, 2018, volkano ya Kilauea iliyo kwenye Kisiwa Kikuu cha Hawaii, Marekani, inaendelea kulipuka na hivyo kuwalazimisha wakaaji wake 2,000 hivi wahame na imeharibu majengo 36 hivi.

Familia nne za Mashahidi na dada mmoja aliyezeeka ni kati ya wale waliohamishwa. Ingawa hakuna Jumba la Ufalme lililoharibiwa na lava au vifusi kutoka kwa volkano, tetemeko la ardhi la kiwango cha 6.9 lililotokea Mei 4 liliharibu kwa kiasi fulani Jumba la Ufalme.

Halmashauri ya Kutoa Misaada (DRC), pamoja na ndugu na dada wenyeji wanawatunza wahubiri walioathiriwa. Volkano itakapotulia, halmashauri hiyo itachunguza ni msaada gani mwingine utakaohitajika.

Kwa sababu ya janga hilo linaloendelea, tunaendelea kusali kwa ajili ya ndugu na dada zetu walioathiriwa, tukiwa na uhakika kwamba Yehova atakuwa ngome yao imara katika kipindi hiki kinachofadhaisha.—Nahumu 1:7.