Juni 20, 2021, Ndugu Robert Batko, mshiriki wa Halmashauri ya Tawi ya Amerika ya Kati, alitangaza kutolewa kwa Tafsiri ya Ulimwengu Mpya ya Maandiko ya Kigiriki ya Kikristo katika lugha ya Chol. Biblia hiyo ya kielektroni ilitolewa wakati wa programu iliyorekodiwa mapema na kupeperushwa kwa wasikilizaji 800 hivi.

• Chol ni lugha ya wenyeji inayozungumzwa hasa katika jimbo la Chiapas, kusini mashariki mwa Mexico

• Inakadiriwa watu 200,000 huzungumza lugha ya Chol

• Zaidi ya wahubiri 500 wanatumikia katika makutaniko 22 na vikundi 2 vya lugha ya Chol

• Watafsiri 3 walifanya kazi kwa miezi 27 ili kukamilisha mradi huo

Ndugu aliyesaidia katika mradi wa tafsiri alisema hivi: “Tafsiri hii mpya inatumia maneno ya kawaida tunayotumia katika maisha ya kila siku. Ninafurahia kusoma kila sura kila siku.”

Ndugu mwingine alisema hivi: “Ninaweza kusoma Biblia ya Kihispania, lakini ninaposoma tafsiri hii katika lugha ya Chol, lugha yangu ya mama, ninaguswa moyo sana. Ni kama kufurahia chakula kilichopikwa nyumbani.”

Tunajua kwamba Biblia hii itawasaidia ndugu wanaozungumza lugha ya Chol wanapotafuta “hazina zilizofichika” za Neno la Mungu, Biblia.—Methali 2:4, 5.