Agosti 25, 2023, Ndugu Robert Batko, mshiriki wa Halmashauri ya Tawi ya Amerika ya Kati, alitangaza kutolewa kwa vitabu vinne vya kwanza vya Tafsiri ya Ulimwengu Mpya ya Maandiko ya Kigiriki ya Kikristo katika lugha ya Low German. Tangazo hilo la lilitolewa katika siku ya kwanza ya Kusanyiko la Eneo la “Iweni na Subira”! lililofanywa katika lugha ya Low German huko Cuauhtémoc, Chihuahua, Mexico, na watu 355 walihudhuria. Vitabu vyote vinne vya Injili vilitolewa katika mfumo wa kidijitali na rekodi za sauti. Mbali na hilo, nakala zilizochapishwa za Biblia Takatifu—Habari Njema Kulingana Mathayo zilisambazwa. Vitabu vile vingine vitatu vya Injili vitachapishwa wakati ambapo Tafsiri ya Ulimwengu Mpya ya Maandiko ya Kigiriki ya Kikristo katika lugha ya Low German itakamilika. Lugha hiyo ya Low German inazungumzwa kotekote barani Amerika, na watu wengi nchini Mexico wanazungumza lugha hiyo.

Tayari manufaa ya tafsiri hiyo mpya yameonekana. Ndugu mmoja alisema hivi: “Biblia tunayotumia sasa hivi haina alama za nukuu, kwa hiyo ni vigumu sana kutambua ni nani anayezungumza. Tafsiri hii mpya ni rahisi zaidi kueleweka.”

Tunashangilia na ndugu na dada zetu wanaozungumza lugha ya Low German na tuna uhakika kwamba tafsiri hii itawasaidia watu wengi wapya “kupata ujuzi sahihi wa kweli.”​—1 Timotheo 2:3, 4.