APRILI 24, 2015
MEXICO
Tafsiri ya Ulimwengu Mpya ya Maandiko ya Kigiriki ya Kikristo ya Kitzotzil Yatolewa Nchini Mexico
Geoffrey Jackson, mshiriki wa Baraza Linaloongoza la Mashahidi wa Yehova, akitoa Tafsiri ya Ulimwengu Mpya ya Maandiko ya Kigiriki ya Kikristo katika Kitzotzil. Amevaa nguo ya kitamaduni ya Watzotzil.
MEXICO CITY—Mashahidi wa Yehova walitoa Tafsiri ya Ulimwengu Mpya ya Maandiko ya Kigiriki ya Kikristo katika Kitzotzil katika kusanyiko lililofanyika Desemba 26-28, 2014, jijini Tuxtla Gutierrez, Chiapas. Kusanyiko la Eneo la “Endeleeni Kuutafuta Kwanza Ufalme wa Mungu!” lilifanywa katika lugha ya Kitzotzil, ya Wamaya, na pia sehemu nyingine jijini Comitan, Chiapas, kuunganishwa kupitia Intaneti. Mbali na kupokea Biblia, wahudhuriaji wote 5,073 pia walipokea machapisho sita zaidi katika Kitzotzil.
Msemaji wa Mashahidi wa Yehova nchini Mexico, Gamaliel Camarillo, alisema hivi: “Tumefurahi sana kupokea Tafsiri ya Ulimwengu Mpya ya Maandiko ya Kigiriki ya Kikristo katika Kitzotzil. Tunatazamia kwa hamu kutumia tafsiri hii ya Kitzotzil katika maeneo yetu tunapohubiri.”
Mashahidi wanaozungumza Kitzotzil wakitumia Tafsiri ya Ulimwengu Mpya ya Maandiko ya Kigiriki ya Kikristo iliyotolewa katika kusanyiko kwenye jimbo la Chiapas, Mexico.
Kulingana na Wizara ya Elimu ya Umma ya Mexico, Kitzotzil kinazungumzwa na zaidi ya watu 350,000 wanaoishi Baja California, Campeche, Chiapas, Oaxaca, na Veracruz. Ili kuwahubiria Watzotzil, Mashahidi wamefungua ofisi ya utafsiri ya Kitzotzil yenye watafsiri 15, katika mji wa San Cristobal de las Casas, Chiapas. Mnamo 2002, Mashahidi walitoa chapisho lao la kwanza katika Kitzotzil. Mashahidi wa Yehova wana zaidi ya machapisho 60 ya Kitzotzil yanayoweza kupakuliwa kwenye tovuti yao rasmi, jw.org.
Wanahabari Wanaweza Kuwasiliana na:
J. R. Brown, Ofisi ya Habari za Umma, simu +1 718 560 5000
Mexico: Gamaliel Camarillo, simu +52 555 133 3048
Huenda Ukapenda Pia
TAARIFA ZA HABARI
Biblia Takatifu—Tafsiri ya Ulimwengu Mpya Yatolewa Katika Kitzotzil
TAARIFA ZA HABARI
Biblia Mpya ya Kikazakh Yatolewa Kusanyikoni na Kuonyeshwa Kwenye Siku ya Wageni
Mashahidi wa Yehova walitoa Biblia Takatifu—Tafsiri ya Ulimwengu Mpya katika Kikazakh kwenye kusanyiko jijini Almaty, Kazakhstan.
TAARIFA ZA HABARI
Mashahidi wa Yehova Watoa Chapa Kubwa ya Biblia Iliyorekebishwa Karibuni
Mashahidi wa Yehova wanatoa chapa kubwa ya Tafsiri ya Ulimwengu Mpya iliyorekebishwa mwaka wa 2013 ili watu wengi zaidi wapate Biblia.
TAARIFA ZA HABARI
Habari Kuhusu Kusanyiko la Kimataifa: Mashahidi Watoa Biblia Jijini Seoul
Mashahidi wa Yehova walitoa toleo lililorekebishwa la Biblia Takatifu—Tafsiri ya Ulimwengu Mpya katika Kikorea katika Kusanyiko la Kimataifa la “Endeleeni Kuutafuta Kwanza Ufalme wa Mungu!”
KAZI YA UCHAPISHAJI
Kuchapisha Biblia Katika Lugha Zao za Asili
Yeyote anayetaka kusoma Biblia Takatifu—Tafsiri ya Ulimwengu Mpya, hupewa Biblia hiyo bila malipo.