Mei 19, 2019, Mashahidi wa Yehova walitoa Tafsiri ya Ulimwengu Mpya ya Maandiko ya Kigiriki ya Kikristo katika Kimarshall kwenye Chuo Kikuu cha South Pacific jijini Majuro, katika Visiwa vya Marshall. Jumba la Ufalme lililo kwenye kisiwa cha Ebeye, umbali wa kilomita 440 kutoka Majuro liliunganishwa pia.

Jumla ya watu 339 walihudhuria mkutano huo wa pekee, kutia ndani wahubiri 151 wanaotoka makutaniko manne katika Visiwa vya Marshall. Wahubiri hao pamoja na wahubiri wengine 325 wanaotumikia katika eneo la lugha ya Marshall nchini Marekani, wataweza kutumia tafsiri hii mikutanoni, katika funzo la kibinafsi, na katika utumishi. Inakadiriwa kwamba kuna watu 61,000 duniani pote wanaozungumza Kimarshall.

Ndugu fulani aliyesaidia kazi ya utafsiri, anasema hivi: “Tafsiri ya Ulimwengu Mpya ya Maandiko ya Kigiriki ya Kikristo katika Kimarshall ni tafsiri ya kwanza ya Kimarshall inayorudisha jina la Yehova mahali pake. Ni tafsiri ambayo ndugu na dada wanaweza kuitegemea, na itawasaidia waendelee kukuza upendo wao kumwelekea Yehova.”

Tunafurahi sana kusikia kuhusu toleo hilo jipya. Ni wazi kwamba baraka za Yehova zilikuwa na kazi hiyo ya kutafsiri katika vikundi tofauti-tofauti vya kutafsiri, ‘vidogo kwa vikubwa.’—Zaburi 49:1, 2.