Agosti 13, 2023, Ndugu Charles Fonseca, mshiriki wa Halmashauri ya Tawi ya Msumbiji, alitangaza kutolewa kwa Biblia—Habari Njema Kulingana na Mathayo katika Kifimbi. Hicho ndicho kitabu cha kwanza kabisa cha Biblia kuchapishwa katika Kifimbi. Kitabu hicho cha Biblia kilitolewa katika Kusanyiko la Eneo la 2023 lenye kichwa “Iweni na Subira”! Kusanyiko hilo lilifanywa katika kijiji cha Fingoe na lilihudhuriwa na watu 3,055. Wale waliohudhuria walipata nakala zilizochapishwa. Kitabu hicho kinapatikana pia katika mfumo wa kielektroni.

Watu wengi wanaozungumza Kifimbi wanaishi katika mkoa wa Tete ulio magharibi mwa Msumbiji karibu na mpaka wa Zambia. Inakadiriwa kwamba kuna watu zaidi ya 100,000 wanaozungumza Kifimbi. Nchini kuna wahubiri 897 wanaotumikia katika makutaniko 20 ya Kifimbi na vikundi 2. Mwakilishi mmoja wa ofisi ya tawi ya Msumbiji alisema hivi, “Tunafurahi sana kwa sababu ndugu na dada zetu wanaozungumza Kifimbi wamepata kitabu cha Mathayo katika lugha yao.”

Tunashangilia pamoja na ndugu na dada zetu ambao wamepata zawadi hii nzuri. Kitabu cha Mathayo kinawahakikishia kwamba wao pamoja na wote “walio wapole,” wataona ahadi za Yesu za wakati ujao zikitimizwa.​—Mathayo 5:5.