Juni 19, 2022, Ndugu Patrick Hecker, mshiriki wa Halmashauri ya Tawi ya Msumbiji, alitoa Tafsiri ya Ulimwengu Mpya ya Maandiko ya Kigiriki ya Kikristo katika lugha ya Lomwe. Biblia hiyo ilitolewa katika mfumo wa kielektroni kupitia programu iliyorekodiwa mapema. Idadi kubwa ya wahubiri katika makutaniko yanayotumia lugha ya Lomwe walihudhuria na kutazama programu hiyo kwenye Majumba yao ya Ufalme, ambapo pia walipata nakala iliyochapishwa ya Biblia hiyo.

Biblia imepatikana katika lugha ya Lomwe tangu mwaka wa 1930, lakini Biblia hizo ni bei ghali sana, na zinatumia lugha ya zamani. Changamoto nyingine ni kwamba tafsiri hizo hazikuwa sahihi. Kwa mfano kwenye tafsiri zilizopatikana, andiko la Luka 23:43 lilisema hivi: “Kwa hakika, ninakuambia wewe leo, utakuwa pamoja na mimi mbinguni.” Tafsiri ya Ulimwengu Mpya inasema hivi kwa usahihi: “Kwa kweli ninakuambia leo, utakuwa pamoja nami katika Paradiso.”

Mtafsiri mmoja alisema hivi kuhusu toleo hili jipya: “Tafsiri ya Ulimwengu Mpya ya Maandiko ya Kigiriki ya Kikristo katika lugha ya Lomwe iko wazi na ni rahisi kuisoma. Hakuna shaka yoyote kwamba akina ndugu wataelewa maana ya maandiko na kutumia mambo wanayojifunza.”

Tuna uhakika kwamba toleo hili litawasaidia ndugu na dada zetu kumkaribia Yehova na kuwasaidia wengine katika huduma.​—Mathayo 5:3.