Machi 27, 2022, Ndugu Mats Kassholm, mshiriki wa Halmashauri ya Tawi ya Myanmar, alitoa toleo la kielektroni la Tafsiri ya Ulimwengu Mpya katika lugha ya Karen (S’gaw). Programu hiyo iliyorekodiwa mapema ilipeperushwa na kutazamwa na watu 620 hivi. Nakala zilizochapishwa zitapatikana Aprili 2022.

Mashahidi wa Yehova wamekuwepo nchini Myanmar kuanzia mwaka wa 1914 Wanafunzi wa kwanza wa Biblia walipofika. Muda fulani baada ya mwaka wa 1940, mhubiri wa kwanza anayezungumza lugha ya Karen (S’ gaw) alibatizwa nchini Myanmar.

Biblia ya Tafsiri ya Ulimwengu Mpya itawanufaisha sana kwa sababu tafsiri nyingine za Biblia katika lugha ya Karen (S’gaw) ni ngumu sana kueleweka au hazitokezi maana sahihi. Kwa mfano, tafsiri moja ya Biblia katika lugha ya Karen (S’gaw) imetafsiri sehemu ya Zaburi 72:16 kuwa “kiganja kimoja kilichojaa nafaka duniani.” Hata hivyo Tafsiri ya Ulimwengu Mpya imetafsiri mstari huo kwa usahihi kabisa “nafaka nyingi duniani.”

Kutolewa kwa Biblia hii ni baraka kubwa ya kiroho kwa wahubiri wanaozungumza lugha ya Karen (S’gaw). Tunasali kwamba tafsiri hii itawasaidia kuendelea kubaki imara kiroho.​—1 Petro 5:10.