Kumekuwa na mvua kubwa kupita kiasi nchini Nigeria nayo imesababisha mafuriko makubwa. Kwa miaka mingi, hakujawa na mafuriko kama hayo. Maeneo yaliyoathiriwa zaidi ni yale yaliyo pembezoni mwa Mto Niger na Mto Benue pamoja na maeneo ya pwani ya kusini ya nchi hiyo. Mafuriko hayo yameharibu miundo-mbinu, yamewalazimu watu zaidi ya milioni moja kuhama makao yao, na yamesababisha vifo vya watu 600 hivi. Shirika la Kitaifa la Kushughulikia Dharura nchini Nigeria limesema kwamba hilo ni janga “kubwa kupindukia.” Wenye mamlaka wanaamini kwamba kutakuwa na uhaba wa chakula kwa sababu mafuriko hayo yamesababisha uharibifu katika eneo kubwa sana.

• Hakuna ndugu au dada yetu aliyeuawa

• Wahubiri 4,074 wamelazimika kuhama makao yao

• Nyumba 900 zimejaa maji

• Nyumba 180 zimeharibiwa kabisa

• Jumba 1 la Kusanyiko pamoja na Majumba 70 ya Ufalme yamejaa maji

• Halmashauri 4 za Kutoa Msaada zimeanzishwa

• Wahubiri waliolazimika kuhama makao yao wanapewa chakula, makao ya muda, na mahitaji mengine ya msingi

• Wazee wa eneo hilo wanashirikiana na waangalizi wa mzunguko ili kuwafanyia ziara za uchungaji na kuwapa msaada unaohitajika wale walioathiriwa na janga hilo

• Jitihada zote za kutoa msaada zinafanywa kwa kupatana na miongozo ya usalama ya kujilinda na COVID-19

Tunafarijiwa kujua kwamba licha ya nyakati ngumu tunazopitia, Yehova anaendelea kuwaandalia watu wake mahali pa kuishi katika “siku ya msiba.”​—Zaburi 27:5.