JANUARI 29, 2019
PERU
Peru Wafanya Kusanyiko la Pekee la Mwisho la 2018
Mashahidi wa Yehova nchini Peru waliwakaribisha wajumbe 3,400 kutoka ofisi 9 za tawi katika Kusanyiko la Pekee la “Uwe Jasiri”! Kusanyiko hilo ambalo lilikuwa la mwisho katika mwaka wa 2018, lilifanywa kuanzia Novemba 23 hadi 25. Kusanyiko hilo lilifanywa katika Uwanja wa Monumental katika mji mkuu wa nchi hiyo, Lima. Kulikuwa na kilele cha wahudhuriaji 66,254 katika uwanja huo pamoja na maeneo manne yaliyounganishwa. Isitoshe, watu 719 walibatizwa. Programu hiyo ilifanywa wakati uleule katika Kiingereza, Lugha ya Ishara ya Peru, Kikwechua Ayacucho, na Kihispania.
Mhudhuriaji mdogo katika Uwanja wa Monumental akiwaaga watu siku ya mwisho ya kusanyiko.
Jambo moja la pekee katika tukio hilo ni nafasi ya wajumbe na wahubiri wenyeji kushiriki katika huduma pamoja. Pia, wajumbe walifurahia chakula na utamaduni wa wenyeji na wakatembelea ofisi ya tawi ya Peru.
Ezequiel Porras, mwakilishi wa ofisi ya tawi nchini Peru, alisema hivi: “Kusanyiko la pekee la Peru limetuchochea sana. Akina ndugu na dada hawatalisahau kamwe lakini pia limewatolea ushahidi watu katika jamii. Tunamshukuru Yehova kwa fursa hii ya pekee ya kulitukuza jina lake kuu.”—1 Petro 2:12.
Vidimbwi kadhaa vya ubatizo viliwekwa katika Uwanja wa Monumental, ambako watu 483 walibatizwa. Watu wengine 236 walibatizwa katika maeneo manne yaliyounganishwa.
Wajumbe walishiriki katika huduma ya shambani pamoja na Mashahidi wenyeji.
Ndugu Samuel Herd, mshiriki wa Baraza Linaloongoza alitoa hotuba ya mwisho kila siku.
Wageni walikaribishwa kwa uchangamfu walipofika kwenye Uwanja wa Ndege wa Kimataifa wa Jorge Chávez ulioko Lima.
Matembezi ya ofisi ya tawi yalitia ndani maonyesho ya jinsi jina la Mungu lilivyohifadhiwa katika Maandiko.
Ndugu walionyesha jinsi ya kutayarisha vyakula vinavyopendwa nchini Peru wakati wa tafrija katika Jumba la Kusanyiko. Chakula kinachoitwa ceviche kinatayarishwa na wajumbe wanakaribishwa kukionja.
Onyesho la jinsi ya kutokeza nyuzi kwa njia ya kitamaduni. Kisha pamba inatiwa rangi kwa kutumia rangi ya asili kutoka kwa mimea.
Wajumbe walipotembelea ofisi ya tawi walifurahia tafrija ya pekee jioni ambayo ilikuwa na muziki uliotegemea kichwa cha kiroho, “Tumejitoa Kutumikia.” Maonyesho yalitia ndani muziki wa kitamaduni, ala za muziki, na dansi kutoka maeneo matatu makuu nchini Peru: jangwa la pwani, Milima ya Andes, na msitu wa mvua wa Peru.
Dansi ya kitamaduni kutoka Trujillo wakati wa tafrija ya jioni.
Maeneo kadhaa ya kuhubiri yalionyeshwa katika tafrija hiyo. Nyumba na mavazi yanayoonyeshwa hapa yanatumiwa kwa kawaida na watu wa Quechua wanaoishi katika maeneo yenye milima ya Cuzco.
Wote walioshiriki maonyesho hayo waliwaaga wasikilizaji mwishoni mwa maonyesho ya jioni hiyo.
Huenda Ukapenda Pia
TAARIFA ZA HABARI
Kusanyiko la Kwanza la Pekee Kufanywa Tbilisi, Georgia
Tukio hilo la kitheokrasi, ambalo limefanywa kwa mara ya kwanza nchini Georgia, lilihusisha karamu kubwa ya kiroho, ukarimu, na pindi za kufurahia utamaduni na historia ya eneo hilo.
TAARIFA ZA HABARI
Kuonyesha Ukarimu na Umoja Wakati wa Kusanyiko la Pekee Nchini Ukrainia
Mashahidi wa Yehova jijini Lviv, Ukrainia, wakiwakaribisha maelfu ya wajumbe kutoka nchi mbalimbali kwa ajili ya kusanyiko la pekee. Wageni walifurahia utamaduni wa wenyeji na matembezi.