Kwa miaka 17 ndugu zetu waliongoza mazungumzo ya Biblia kila juma na wafungwa katika Gereza la Jilava Bucharest nchini Rumania. Ugonjwa wa virusi vya corona (COVID-19) ulipoanza, walizuiwa kufanya mikutano uso kwa uso gerezani. Lakini majuma mawili kabla ya mwadhimisho wa Ukumbusho wa kifo cha Yesu uliofanywa Machi 27, 2021, maofisa wa gereza walikubali mikutano hiyo iendeshwe kupitia video iliyounganishwa kwenye mtandao. Ndugu zetu waliwaomba maofisa wa gereza ikiwa programu ya Ukumbusho ingefanywa kupitia mtandao. Maofisa walikubali. Jumla ya wafungwa 21 na maofisa 4 walihudhuria Ukumbusho.

Ndugu Corneliu Cepan alitoa hotuba ya Ukumbusho katika Kirumania. Ndugu Angelos Karamplias alitafsiri hotuba hiyo katika Kigiriki kwa ajili ya mfungwa mmoja anayezungumza Kigiriki. Walinzi wanne walihudhuria, kutia ndani msaidizi wa msimamizi wa gereza hilo.

Ndugu Cepan anasema hivi: “Nilihisi lilikuwa pendeleo kubwa kutoa hotuba hiyo ya Ukumbusho. Wafungwa walisikiliza kwa makini na kutafakari dhabihu kubwa ambayo Yesu alitoa kwa ajili yao.”

Ndugu Karamplias anasema hivi: “Tulifurahi sana kwamba Yehova alifungua mlango wa kuwahubiria wafungwa hao na kuadhimisha Mlo wa Jioni wa Bwana. Tunatumaini kwamba wakati ujao wafungwa wengi zaidi watajiunga nasi kwa ajili ya mazungumzo ya Biblia kupitia mtandao na kupata faraja kutoka kwa Maandiko.”

Tunafurahi kwamba maofisa wa gereza waliwapa wafungwa hao nafasi ya kusikiliza hotuba hiyo ya Ukumbusho.—1 Timotheo 2:3, 4.