Januari 18, 2021, mahakama nchini Turkmenistan ilitangaza uamuzi wake katika kesi inayomhusu Ndugu Azamatjan Narkuliyev. Alihukumiwa kifungo cha miaka miwili katika gereza lenye ulinzi mkali kwa kukataa kujiunga na jeshi kwa sababu ya dhamiri. Hii ndiyo mara ya pili ambayo anafungwa kwa sababu ya msimamo wake wa kutounga mkono upande wowote.

Azamatjan Narkuliyev

• Alizaliwa: 2000

• Maisha Yake: Alibatizwa mnamo 2018. Ana sifa nzuri kwa sababu ya unyenyekevu, kiasi, na bidii yake. Mama yake na dada zake wawili ni Mashahidi wa Yehova pia

Januari 7, 2020, Azamatjan, aliyekuwa na umri wa miaka 20 alimaliza kifungo chake cha mwaka mmoja gerezani kwa kukataa kujiunga na jeshi kwa sababu ya dhamiri. Kwa kuwa nchini Turkmenistan watu wanaokataa kujiunga na jeshi kwa sababu ya dhamiri wanaweza kushtakiwa mara mbili, miezi mitano tu baadaye, kwa mara nyingine Azamatjan aliitwa na maofisa wa jeshi. Kwa mara nyingine alishtakiwa baada ya kuandika ombi kwamba asijiunge na jeshi wala na wanajeshi ambao hawabebi silaha.

Desemba 20, 2020, mwendesha-mashtaka alifungua kesi ya uhalifu dhidi yake. Pia wenye mamlaka walimnyang’anya pasipoti yake.

Tunasali kwa ajili ya Azamatjan na familia yake, tukiwa na uhakika kwamba azimio lao la kuendelea kuwa washikamanifu litathawabishwa sana. Biblia inatuhakikishia kwamba “kwa mtu mshikamanifu [Yehova atatenda] kwa ushikamanifu.”—Zaburi 18:25.