JULAI 18, 2014
UKRAINIA
Ripoti Kuhusu Ukrainia na Crimea
LVIV, Ukrainia—Ofisi ya Tawi ya Mashahidi wa Yehova nchini Ukrainia inaripoti kwamba Juni 17, 2014, Shahidi mmoja katika jiji la Ukrainia mashariki liitwalo Kramatorsk aliuawa na bomu lililolipuka karibu na gari lake. Hakuna Shahidi mwingine aliyeuawa au kujeruhiwa vibaya kutokana na vita vya wenyewe kwa wenyewe vinavyoendelea nchini humo vilivyoanza miezi michache iliyopita. Hata hivyo, mamia ya Mashahidi wamehamishwa kutoka katika maeneo yaliyoathiriwa ya mashariki mwa Ukrainia. Mashahidi walioathiriwa wanaishi na waabudu wenzao.
Licha ya mapigano yanayoendelea, Mashahidi nchini Ukrainia wanaendelea kuwahubiria jirani zao kuhusu ujumbe wa Biblia unaofariji. Mwanzoni mwa Juni 2014, Mashahidi walifanya makusanyiko mengi makubwa kwa amani mashariki mwa Ukrainia, yaliyotia ndani hotuba zinazotegemea Biblia na maonyesho ya jinsi ya kutumia mashauri ya Biblia kila siku maishani. Watu zaidi ya 5,200 walihudhuria. Mashahidi nchini Ukrainia na Crimea wamepanga kufanya makusanyiko 40 hivi ya eneo, yatakayokazia ahadi inayotolewa na Biblia kuhusu wakati ujao wenye amani chini ya Ufalme wa Mungu. Watu zaidi ya 165,000 wanatarajiwa kuhudhuria makusanyiko hayo, kutia ndani watu 7,500 katika Crimea.
Wanahabari Wanaweza Kuwasiliana na:
J. R. Brown, Ofisi ya Habari za Umma, simu +1 718 560 5000
Ukrainia: Vasyl Kobel, simu +38 032 240 9323
Huenda Ukapenda Pia
TAARIFA ZA HABARI
Licha ya Vita Mashahidi wa Yehova Nchini Ukrainia Wakusanyika kwa Amani; Biblia Yatolewa
Huku vita vikiwa vimepamba moto Ukrainia mashariki, maelfu ya watu walikusanyika kule Lviv kwa ajili ya Kusanyiko la “Endeleeni Kuutafuta Kwanza Ufalme wa Mungu!” Biblia Takatifu—Tafsiri ya Ulimwengu Mpya iliyorekebishwa ilitolewa katika Kiukrainia.
TAARIFA ZA HABARI
Taarifa: Mashahidi wa Yehova Watoa Msaada kwa Maelfu ya Watu Waliokosa Makao Huko Ukrainia
Ofisi ya tawi ya Mashahidi wa Yehova nchini Ukrainia yaendelea kutoa msaada kwa maelfu ya Mashahidi walikosa makao kwa sababu ya vita katika eneo la mashariki mwa Ukrainia.