Desemba 28, 2022, Kamati ya Mji wa Ramapo ilikubali kutoa kibali cha pekee kwa ajili ya mradi wa ujenzi wa Ramapo. a Kibali hiki cha pekee kinatuwezesha kujenga ofisi, studio, na pia makao katika eneo hilo. Isitoshe, kibali hicho kinatuwezesha kung’oa miti na kutayarisha eneo kwa ajili ya ujenzi huku tukisubiria idhini ya ramani kutoka kwa Kamati ya Mipango ya Mji. Idhini hiyo inatarajiwa kupatikana mwishoni mwa mwaka wa 2023. Kwa hiyo, kibali hicho cha pekee kitasaidia mradi kusonga kwa muda uliopangwa.

Ndugu David Soto, anayetumikia kwenye Halmashauri ya Mradi wa Ujenzi anasema: “Tumefurahi sana kupata kibali hiki. Ingawa bado kuna hatua nyingine ambazo zitahitaji kuchukuliwa kabla ya ujenzi wenyewe kuanza, tuna uhakika Yehova ataendelea kubariki jitihada zetu.”

1. Oktoba 5, 2019

   Baraza Linaloongoza latangaza mipango ya kuunganisha kazi ya kurekodi video na sauti ili ifanywe katika sehemu mpya itakayojengwa huko Ramapo, New York

2. Juni 26, 2020

   Ombi la ujenzi lawasilishwa kwenye Kamati ya Mji wa Ramapo

3. Julai 8, 2020

   Mkutano wa kwanza wafanywa pamoja na Kamati ya Mji wa Ramapo

4. Machi 31, 2021

   Hati ya kwanza inayofafanua jinsi mazingira yatakavyoathiriwa na ujenzi yawasilishwa

5. Machi 8, 2022

   Kamati ya Mipango ya Mji wa Tuxedo yatoa kibali cha kurekebisha na kupanua barabara ya kuingia kwenye mradi wa Ramapo

6. Machi 12, 2022

   Hati ya mwisho inayofafanua jinsi mazingira yatakavyoathiriwa na ujenzi yakubaliwa

7. Novemba 9, 2022

   Kamati ya Mji wa Ramapo yakubali badiliko la matumizi ya ardhi na hivyo kuturuhusu kujenga ofisi na makao pia

8. Desemba 28, 2022

   Kamati ya Mji wa Ramapo yakubali kutoa kibali cha pekee kinachotuwezesha kujenga majengo yenye matumizi mbalimbali na pia kung’oa miti na kutayarisha uwanja kwa ajili ya ujenzi

9. Kinachosubiriwa

   Idhini ya ramani kamili ya ujenzi