Mei 31, 2022, Baraza Linaloongoza lilijulisha Halmashauri zote za Tawi kwamba sasa wanaweza kurudia aina zote za mahubiri ya hadharani isipokuwa huduma ya nyumba kwa nyumba. Kila Halmashauri ya Tawi itachunguza hali za eneo la ofisi yao ya tawi, ikizingatia vizuizi vyovyote vya serikali, na itayaandalia makutaniko yote mwongozo wa kufuata. (Waroma 13:1) Tunashangilia kwamba tutakuwa na nafasi nyingi zaidi za kushiriki habari njema za Ufalme wa Mungu pamoja na jirani zetu!—Mathayo 28:19, 20.