Kuanzia Aprili 1, 2022, Mashahidi wa Yehova walianza tena kufanya mikutano yao ya uso kwa uso. Wasiwasi wowote ambao huenda ndugu na dada zetu walikuwa nao ulibadilika upesi na kuwa kicheko, machozi ya furaha, na wakaanza kuimba nyimbo za Ufalme kwa msisimuko.

Kwa baadhi yao, hii ilikuwa mara ya kwanza kufika kwenye Jumba la Ufalme.

Ndugu Krzysztof Hoszowski nchini Poland anasema hivi: “Huu ulikuwa mkutano wangu wa kwanza kwenye Jumba la Ufalme. Nilijifunza kweli za Biblia kupitia mtandao, na ubatizo wangu ulipeperushwa kupitia Zoom. Nilijua jinsi mikutano ya uso kwa uso inavyofanywa kwa sababu nilikuwa nimetazama video nyingi kuihusu. Lakini nilifurahia sana mazingira niliyoona yaliyojaa upendo wa kindugu, shangwe, na fadhili.”

Baada ya ugonjwa wa COVID-19 kulipuka ulimwenguni pote mnamo Machi 2020, Mashahidi wa Yehova walianza kukutana kupitia mtandao. Wale ambao kwa sasa hawawezi kufika kwenye mikutano ya uso kwa uso bado wanaweza kuunganishwa kupitia mtandao.

Ndugu Neil Campbell anayeishi Edinburgh, Scotland alisema hivi: “Muziki ulipoanza na nikaanza kuimba wimbo wa kwanza, moyo wangu ulijawa na hisia za kuwa pamoja na ndugu zangu tena kwa mara ya kwanza baada ya miaka miwili.”

Tunamshukuru Yehova kwa kutubariki tuanze tena kukutana uso kwa uso.​—Zaburi 84:10.