Februari 15, 2020, toleo la 4 la Programu JW Library katika lugha ya ishara (alama), lilitolewa likiwa na njia mpya ya kutumia programu hiyo. Watumiaji wa lugha ya ishara wanaweza kuangalia marejeo kwa kubofya au kugusa mara moja tu kiunganishi cha marejeo hayo. Njia hiyo itafanya iwe rahisi zaidi kwao kuandaa mikutano ya kutaniko na kufanya utafiti wa Biblia.

Kwa muda mrefu, watumiaji wa Programu JW Library wameweza kufanya utafiti kwa kutumia viunganishi ili kusoma Biblia au machapisho mengine wakiwa wanasoma makala fulani bila kupoteza sehemu waliyokuwa wakisoma. Hata hivyo, jambo hilo halikuwa rahisi kwa watumiaji wa lugha ya ishara (alama) kwa sababu hakukuwa na njia rahisi ya kuangalia makala ya video katika lugha ya ishara na wakati huohuo kuangalia marejeo ya machapisho mengine.

Lakini katika toleo la 4 la Programu JW Library katika lugha ya ishara, marejeo yanaonekana kama viunganishi. Kwa kugusa viunganishi hivyo mara moja tu, mtumiaji anaweza kuona video za marejeo ya ziada na wakati huohuo kuirudia video ya makala aliyokuwa akiitazama mwanzoni kwa urahisi.

Ona jinsi ilivyo rahisi kuona machapisho kwa ajili ya mkutano wa katikati ya wiki

Tuna uhakika kwamba njia hii mpya ya kutumia programu hii itawanufaisha sana ndugu na dada zetu wanaotegemea machapisho ya lugha ya ishara. Tunamshukuru Yehova kwa kutuandalia vifaa kama hivi ambavyo vinatusaidia kuboresha uhusiano wetu pamoja naye.—Zaburi 119:97.

Ona jinsi rejeo la “nyoka”anayetajwa katika Mwanzo 3:1 linavyounganishwa na andiko la Ufunuo 20:2 na kusaidia kumtambulisha “nyoka wa zamani.”