Januari 2021, Baraza Linaloongoza lilitangaza kutolewa kwa kitabu na broshua Furahia Maisha Milele! Machapisho hayo pamoja na njia ya kufundisha kupitia mazungumzo yametusaidia kuwa wenye matokeo zaidi katika kuongoza mafunzo ya Biblia.

Sehemu mpya zimeongezwa kwenye programu ya JW Library ili muundo wa kidijitali wa kitabu na broshua umvutie zaidi mwalimu na mwanafunzi. Tenga muda fulani ili kufahamu vizuri sehemu hizo mpya.

• Je, ungependa kumwelekeza mwanafunzi wako kwenye sehemu fulani hususa katika somo? Bofya fungu hilo ili kufungua menyu ya muktadha. Teua kitufe cha Shiriki ili kutuma kiunganishi cha fungu hilo hususa.

• Je, ungependa kusikiliza usomaji uliorekodiwa wa fungu fulani pamoja na mwanafunzi wako? Bofya fungu hilo ili kufungua menyu ya muktadha. Teua kitufe cha Cheza ili rekodi ianze kwenye fungu hilo.

• Huenda mwanafunzi wako anatumia toleo lililochapishwa huku wewe ukitumia toleo la kidijitali. Je, ungependa kuona jinsi ukurasa uliochapishwa unavyoonekana? Kwenye menyu ya Zaidi (inayopatikana kwa kubofya vitufe vitatu vilivyo kwenye kona ya juu kulia), teua Toleo Lililochapishwa. Teua Toleo la Kidijitali sehemu hiyohiyo ili kurudisha mwonekano wa chapisho la kidijitali.

• Je, ungependa kuwasaidia wanafunzi wako kuweka rekodi ya maendeleo yao kwenye chapisho la kidijitali? Watie moyo watumie visanduku vilivyoandaliwa kuandika tarehe waliyokamilisha somo au kuandika lengo fulani hususa. Wanaweza pia kutumia visanduku vya kutia alama katika chati ya “Fuatilia Usomaji Wako wa Biblia.”