APRILI 1, 2022
HABARI ZA ULIMWENGUNI POTE

Ulinzi wa Yehova Ni ‘Kama Ukuta wa Mawe’

CHEZA

Februari 16, 2022, Mahakama ya Jiji la Kerch ya Jamhuri ya Crimea ilimhukumu Ndugu Artem Shabliy na kumpa kifungo cha nje cha miaka miwili. Hahitaji kwenda gerezani wakati huu.

Mfuatano wa Matukio

Mei 26, 2020

Maafisa wa usalama walipekua nyumba ya Artem na nyumba nyingine nne za Mashahidi wa Yehova nchini Crimea. Katika uvamizi huo, mwana wa Artem mwenye umri wa miaka minne alijeruhiwa miguuni kwa sababu wenye mamlaka walivunja kioo cha dirisha la nyumba yao. Baada ya upekuzi Artem alikamatwa na kuwekwa katika kifungo cha upweke kwa siku tatu
Juni 9, 2020

Artem aliiomba Mahakama ya Jiji la Kerch kumwonyesha ripoti za upelelezi uliofanywa unaohusiana na kesi inayomkabili. Licha ya kwamba ni haki yake kuona ripoti hiyo mahakama ilikataa ombi lake
Mei 24, 2021

Kesi yake ilianza kusikilizwa. Kulikuwa na ndugu na dada wengi mahakamani ambao walienda kumuunga mkono, lakini walikatazwa kuingia mahakamani

Maelezo Mafupi Kumhusu

Artem Shabliy

Alizaliwa: 1990 (Kerch)

Maisha Yake: Anafanya kazi za ujenzi. Anapenda kucheza mpira wa miguu, mchezo wa tenisi, na chesi. Alifunga ndoa na Svetlana mwaka wa 2013. Wana wana wawili. Familia hiyo inafurahia pindi za matembezi katika maeneo ya asili

Mama yake alibatizwa na kuwa Shahidi wa Yehova, Artem alipokuwa na umri wa miaka minne. Alipokuwa akikua, alivutiwa na upendo wa kweli ambao ndugu na dada walionyeshana kutanikoni. Alibatizwa mwaka wa 2007

Maelezo ya Kibinafsi

Unaweza kutueleza mfano wa jinsi Yehova alivyokusaidia ulipokuwa na woga?

Nilikuwa na mkazo mwingi mpelelezi alipokuwa akinihoji. Alizungumza kwa ukali na kunifedhehesha. Muda wote nilikuwa nikisali kwa Yehova. Nilimwomba anipe hekima na amani ya moyoni. Nilihisi shangwe kwa sababu mbinu za mpelelezi huyo hazikufaulu kwangu. . . . Kwa msaada wa Yehova ilikuwa ni kama nimesimama nyuma ya ukuta wa mawe.

Ni nini kilichokusaidia kuvumilia?

Sijawahi kuwa karibu na Yehova kama nilivyo sasa na hicho ni kitu ambacho sitaki kupoteza. Nataka kuendelea kuwa rafiki yake. Ninajua kwamba Yehova anashangilia anaponitazama na ananipenda sana. Hilo linanisaidia kuendelea kuwa mwaminifu na kumfurahisha Yehova.

Kama Artem alivyojionea, Yehova anaendelea kuwategemeza waabudu wake waaminifu kwa ushikamanifu. Tuna uhakika kwamba Yeye ataendelea kuwa jabali, ngome na kimbilio salama kwa ajili ya ndugu na dada wa Crimea na Urusi.—Zaburi 18:2.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Crimea

Mashahidi wa Yehova huko Crimea wamefungwa kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI