Hivi karibuni jw.org imesasishwa kutia ndani kitu ambacho watu wengi wameomba. Sasa unaweza kuchagua kati ya mwonekano wenye mwangaza au wenye giza.

Kipimo cha mwonekano wenye giza (au ambao pia unaitwa mwonekano wa usiku) huonyesha maandishi meupe lakini sehemu ya nyuma ni yenye giza. Baadhi ya watumiaji wanapendelea kipimo hicho kwa sababu skrini inaacha kutokeza mwangaza mwingi. Hilo linaweza kufanya macho yasichoke sana, hasa usiku au kunapokuwa na mwanga mdogo. Pia kipimo hicho huenda kikawasaidia watumiaji wasioweza kuona vizuri au ambao wanaathiriwa na mwangaza mwingi.

Ili uone uchaguzi wa mwonekano, nenda chini kwenye ukurasa na ubofye kitufe kilichoandikwa Vipimo vya Mwonekano. Unaweza kuacha sehemu iliyoandikwa Mfumo wa Kifaa ikiwa ungependa jw.org iendelee kutumia vipimo vya mwonekano vya kifaa chako. Au teua Mwangaza au Giza ikiwa ungependa jw.org itumie vipimo hususa kila wakati.

Kwa sasa uteuzi huo mpya hauwezi kufanywa kwenye programu ya JW Library, lakini utaongezwa wakati ujao. Tunamshukuru Yehova kwa maendeleo katika vifaa vyetu vya kidijitali vinavyotusaidia kupata chakula cha kiroho kilichoandaliwa kwa wingi.