FEBRUARI 25, 2016
HABARI ZA ULIMWENGUNI POTE
Mashahidi wa Yehova Wawaalika Watu Ulimwenguni Pote Kwenye Ukumbusho wa Kifo cha Yesu
Mwadhimisho wa Ukumbusho utatia ndani hotuba inayotegemea Biblia.
NEW YORK—Jumamosi, Februari 27, Mashahidi wa Yehova wataanza kampeni ya kuwaalika watu katika tukio la kila mwaka lililo muhimu zaidi kwao, Ukumbusho wa kifo cha Yesu, litakalofanyika Machi 23. David A. Semonian, msemaji wa Mashahidi wa Yehova aliye katika makao yao makuu jijini New York, alisema hivi: “Mwadhimisho huo utatia ndani hotuba inayoeleza ni kwa nini kifo cha Yesu kilichotokea karibu miaka elfu mbili iliyopita ni muhimu kwetu leo na jinsi kinavyotupatia tumaini la wakati ujao. Tungependa watu wengi kadiri iwezekanavyo wafaidike na mwongozo wa kiroho utakaopatikana katika mwadhimisho huu.”
Wakati wote wa kampeni hiyo, Mashahidi milioni nane hivi ulimwenguni pote watawatembelea kibinafsi jirani zao na kuwaalika katika tukio hilo. Mwaka uliopita, karibu watu milioni 20 walihudhuria Ukumbusho wa kifo cha Yesu.
Wanahabari Wanaweza Kuwasiliana na:
David A. Semonian, Ofisi ya Habari za Umma, simu +1 718 560 5000
Huenda Ukapenda Pia
KUTUHUSU
Ukumbusho wa Kifo cha Yesu
Mashahidi wa Yehova wanakualika uhudhurie Ukumbusho wa Kifo cha Yesu utakaofanywa Aprili 12, 2025.
MASWALI YANAYOULIZWA MARA NYINGI
Kwa Nini Mashahidi wa Yehova Wanaadhimisha Mlo wa Jioni wa Bwana kwa Njia Tofauti na Dini Nyingine?
Unaitwa pia Mlo wa Jioni wa Bwana au Ukumbusho wa Kifo cha Yesu, ni tukio la pekee sana kwa Mashahidi wa Yehova. Fikiria mambo ambayo Biblia inasema kuhusu tukio hilo.