NEW YORK—Mashahidi wa Yehova wanapanga makusanyiko yao ya kila mwaka pamoja na kampeni ya kuwaalika watu wote kuhudhuria makusanyiko hayo. Kichwa cha makusanyiko ya mwaka huu ni: “Neno la Mungu Ni Kweli!” Mashahidi wanaanza mfululizo wa makusanyiko hayo nchini Marekani mwezi wa Mei na yataendelea kufanywa ulimwenguni pote hadi mwishoni mwa mwezi wa Desemba.

J. R. Brown, msemaji wa Mashahidi wa Yehova anasema hivi: “Kichwa cha Makusanyiko ya mwaka huu ni muhimu kwa sababu kinakazia jambo muhimu sana kwa familia za Mashahidi. Familia za mashahidi wanaithamini Biblia ikiwa mwongozo unaotegemeka kabisa na chanzo cha mawaidha katika nyakati hizi zenye misukosuko. Tunahisi kwamba watu wote watafurahia na kufaidika kutokana na programu hiyo yenye mambo mengi na yenye manufaa.”

Bw. Brown anasema kwamba funzo la kibinafsi la Biblia ni jambo linalotangulizwa na Mashahidi wa Yehova. Kila juma, familia za Mashahidi hutenga jioni nzima kwa ajili ya “Ibada ya Familia,” yaani, kujifunza Biblia na kufanya utafiti. Bw. Brown anaongezea hivi: “Makusanyiko ya mwaka huu yataandalia familia na mtu mmojammoja vifaa vipya vya kufanyia Funzo la Biblia. Na hilo ndilo ‘jambo jipya’ ambalo Mashahidi wanatazamia kwa hamu kila mwaka katika programu zetu za makusanyiko.”

Habari kuhusu tarehe na mahali hususa patakapofanyiwa Makusanyiko ya Wilaya ya mwaka wa 2013 ya “Neno la Mungu Ni Kweli!” zinaweza kupatikana kwenye Tovuti rasmi ya Mashahidi wa Yehova—jw.org. Waandishi wa habari wanaweza kuwasiliana na ofisi ya tawi ya Mashahidi wa Yehova ili wapate habari zaidi, kutia ndani jina la mtu anayewasiliana na waandishi wa habari wanaopanga kutangaza habari za makusanyiko katika eneo lenu.

Vyombo vya Habari Vinaweza Kuwasiliana na:

J. R. Brown, Ofisi ya Habari za Umma, simu; +1 718 560 5000