NEW YORK—Mashahidi wa Yehova watakuwa wakiwakaribisha watu kuhudhuria matukio makubwa ambayo watakuwa nayo mwaka wote wa 2017.

Jumanne, Aprili 11, 2017, Mashahidi ulimwenguni pote watawakaribisha watu wote kwenye ukumbusho wa kila mwaka wa Mlo wa Jioni wa Bwana, unaojulikana pia kama Ukumbusho wa Kifo cha Kristo. Wanaendelea kufanya kampeni ambayo ilianza Jumamosi, Machi 18, 2017, na itakwisha Aprili 11, 2017, ya kuwaalika watu wengi iwezekanavyo kwenye tukio hilo, wakitumia mwaliko uliochapishwa wenye habari kuhusu mahali tukio hilo litafanyiwa katika eneo. Mashahidi wanaona hili kuwa ndilo tukio muhimu zaidi katika mwaka.

Baada ya mwadhimisho wa Ukumbusho, Mashahidi watawakaribisha watu kusikiliza hotuba ya dakika 30 inayotegemea Biblia iliyo na kichwa “Jinsi ya Kupata Amani Katika Ulimwengu Wenye Hasira.” Kwenye Majumba mengi ya Ufalme ya Mashahidi wa Yehova ulimwenguni pote, hotuba hiyo itatolewa katika mkutano wa watu wote utakaofanywa Aprili 15 na 16, 2017.

Kuanzia Mei 19, 2017, Mashahidi wa Yehova wataanza mfululizo wa makusanyiko yao ya siku tatu yenye kichwa “Usife Moyo!” Programu hiyo itaanza Marekani na kuendelea katika maeneo mengine ulimwenguni pote kufikia mapema mwaka wa 2018. Mashahidi watafanya kampeni ya majuma matatu ya kuwaalika watu wote kabla ya kila kusanyiko katika kila eneo.

Matukio hayo, pamoja na mikutano yote ya Mashahidi wa Yehova, yanafanywa bila malipo. Wanahabari wanakaribishwa kuwasiliana na ofisi ya tawi ya nchi yao ili wapate msaada wa jinsi wanavyoweza kurekodi tukio hilo katika eneo lao.

Wanahabari Wanaweza Kuwasiliana na:

David A. Semonian, Ofisi ya Habari za Umma, +1-845-524-3000