JUNI 4, 2014
HABARI ZA ULIMWENGUNI POTE
Mashahidi Waanza Makusanyiko ya Kimataifa
NEW YORK—Kusanyiko la kwanza katika mfululizo wa makusanyiko ya kimataifa ya siku tatu ya Mashahidi wa Yehova yenye kichwa “Endeleeni Kuutafuta Kwanza Ufalme wa Mungu!” yataanza asubuhi ya Ijumaa, Juni 6, 2014, katika uwanja wa Ford Field huko Detroit, Michigan, Marekani. Sehemu fulani za programu hiyo zitasikilizwa moja kwa moja katika maeneo mengine huko Arizona, California, Florida, Illinois, Missouri, New Jersey, na North Carolina, na zitatafsiriwa katika Kialbania, Kikorea, Kipolandi, na Kireno.
J. R. Brown, msemaji wa Mashahidi wa Yehova katika makao yao makuu ya ulimwenguni pote huko Brooklyn, New York, anasema hivi: “Kwa muda wa majuma matatu yaliyopita, Mashahidi jijini Detroit na majiji yatakayounganishwa kusikiliza programu kwa njia ya video wamekuwa wakiwaalika majirani wao kuhudhuria tukio hilo muhimu sana. Jijini Detroit, tunatarajia umati mkubwa wa wahudhuriaji wapatao 45,000, kutia ndani wajumbe zaidi ya 2,000 kutoka Australia, Kanada, Taiwan, na Ujerumani.”
Katika kipindi chote cha kiangazi nchini Marekani, Mashahidi watakuwa na makusanyiko 16 ya kimataifa kwenye viwanja vikubwa katika majimbo kumi mbalimbali. Katika maeneo fulani, programu hiyo itafanywa yote au kwa sehemu katika Kiajemi, Kialbania, Kiarabu, Kiarmenia, Kichuukese, Kifaransa, Kigiriki, Kihindi, Kihispania, Kiiloko, Kiindonesia, Kiitaliano, Kijapani, Kikantoni, Kikorea, Kikrioli cha Haiti, Kimandarini, Kipolandi, Kirumania, Kirusi, Kisamoa, Kitagalogi, Kitwi, Kivietnam, Lugha ya Ishara ya Marekani, na Lugha ya Visiwa vya Marshall. Kuanzia Juni 2014 na kuendelea hadi mwaka wa 2015, Mashahidi watakuwa na makusanyiko ya kimataifa nchini Australia, Ekuado, Korea Kusini, Mexico, Uingereza, Ujerumani, Ugiriki, na Zimbabwe.
Wanahabari Wanaweza Kuwasiliana na:
J. R. Brown, Ofisi ya Habari za Umma, simu +1 718 560 5000
Huenda Ukapenda Pia
TAARIFA ZA HABARI
Mashahidi wa Yehova Watangaza Makusanyiko ya Kimataifa
Kuanzia Juni 2014 na kuendelea hadi Januari 2015, Mashahidi wa Yehova watafanya makusanyiko ya kimataifa ya siku tatu katika nchi tisa.
TAARIFA ZA HABARI
Ripoti ya Makusanyiko ya Kimataifa: Mashahidi Wafanya Makusanyiko ya Kihistoria Kwenye Uwanja wa MetLife
Maelfu ya watu walifurika katika Uwanja wa MetLife, East Rutherford, NJ, Marekani, kwa ajili ya mfululizo wa Makusanyiko ya Kimataifa yenye kichwa “Endeleeni Kuutafuta Kwanza Ufalme wa Mungu!” Juni 20-22 na Juni 27-29, 2014.
TAARIFA ZA HABARI
Habari Kuhusu Kusanyiko la Kimataifa: Mashahidi wa Yehova Wakusanyika Katika Uwanja wa Olympic Nchini Ugiriki
Kusanyiko la Kimataifa la “Endeleeni Kuutafuta Kwanza Ufalme wa Mungu!” lilifanywa katika uwanja wa michezo wa Olympic Athletic Center jijini Athens, mahali ambapo Michezo ya Olimpiki ya mwaka wa 2004 ilifanyiwa.
TAARIFA ZA HABARI
Habari Kuhusu Kusanyiko la Kimataifa: Mashahidi Watoa Biblia Jijini Seoul
Mashahidi wa Yehova walitoa toleo lililorekebishwa la Biblia Takatifu—Tafsiri ya Ulimwengu Mpya katika Kikorea katika Kusanyiko la Kimataifa la “Endeleeni Kuutafuta Kwanza Ufalme wa Mungu!”
KUTUHUSU
Hudhuria Kusanyiko la Eneo la 2024—‘Tangaza Habari Njema!’
Tunakukaribisha kwa uchangamfu uhudhurie kusanyiko la eneo la siku tatu la mwaka huu litakalofanywa na Mashahidi wa Yehova.
MAKUSANYIKO
Video Fupi: Ripoti ya Kusanyiko la Kimataifa
Mashahidi wa Yehova hufanya makusanyiko ya pekee katika miji iliyoteuliwa kuzunguka ulimwenguni kote. Jionee kwa nini watu wengi hufurahia makusanyiko hayo.