Oktoba 9, 2024, Ndugu Arsen Avanesov aliachiliwa huru kutoka gerezani nchini Urusi. Julai 29, 2021, alishtakiwa na kuhukumiwa kifungo cha miaka sita na nusu gerezani. Baada ya Arsen kukata rufaa, hakimu aliongeza kifungo chake kuwa kifungo cha miaka saba gerezani. Ndugu Arsen alikuwa amekaa miaka miwili gerezani kabla ya kuhukumiwa, hivyo, kifungo chake gerezani sasa kimekamilika.

Baba ya Arsen, Ndugu Vilen Avanesov, alikuwa amehukumiwa pia kwa mashtaka ya uhalifu katika kesi hiyo na akatumikia kifungo cha miaka sita gerezani. Aliachiliwa Februari 9, 2024.

Arsen aliendelea kuwa imara akiwa gerezani kwa sababu alikuwa ameazimia kuwa mwaminifu kwa Yehova. Arsen alisema hivi alipokuwa akitoa maelezo yake ya mwisho mahakamani kabla ya kupelekwa gerezani: “Niliweka nadhiri ya kuwa mshikamanifu kwa Yehova. Niliweka maisha yangu wakfu kwake, na nilifanya hivyo kutoka moyoni. Kamwe sitavunja ahadi yangu kwake.” Pia, Arsen alitaja kwamba imani yenye nguvu kwa Mungu haiwezi kuvunjwa. Alisema hivi: “Imani yangu haijadhoofika; imekuwa yenye nguvu hata zaidi.”

Tunafurahia kwamba Arsen ameungana na familia yake, na tutaendelea kusali kwa ajili ya ndugu na dada zetu walio gerezani. Inafariji kujua kwamba licha ya ‘kuhuzunishwa kwa majaribu mbalimbali,’ imani yetu na uvumilivu wetu huleta baraka nyingi.​—1 Petro 1:6, 7.