AGOSTI 26, 2021
URUSI

Baba ya Watoto Wawili Anaweza Kufungwa Miaka 15 Gerezani kwa Sababu ya Imani Yake

CHEZA

Mfuatano wa Matukio

Mahakama ya Jiji la Uray iliyo katika Eneo Lililotengwa la Khanty-Mansi—Yugra itatangaza hivi karibuni uamuzi wake katika kesi ya Ndugu Andrey Sazonov. a Anaweza kufungwa miaka 15 gerezani
Juni 22, 2020

Kesi ya uhalifu ya Andrey yaanza
Agosti 22, 2019

Anaachiliwa kutoka kifungo cha nyumbani lakini anawekewa vizuizi vya kusafiri na vizuizi vingine pia vilivyowekwa na mahakama
Februari 26, 2019

Anahamishiwa kifungo cha nyumbani
Februari 6, 2019

Azuiliwa kwa muda, kisha siku mbili baadaye anahamishiwa mahabusu baada ya mahali pake pa kazi na gari lake kufanyiwa msako
Januari 31, 2019

Anashtakwa kosa la uhalifu la “kutayarisha na kushiriki utendaji wa shirika lenye msimamo mkali”

Maelezo Mafupi Kumhusu

Andrey Sazonov

Alizaliwa: 1980 (Moscow)

Maisha Yake: Alifanya kazi kama msimamizi wa kampuni kubwa ya vifaa vya kupasha nyumba joto. Mwaka wa 2002, alifunga ndoa na Viktoria, ambaye ni mwalimu wa Kiingereza. Wana binti mmoja anayeitwa, Irina (Ira), na mwana mmoja anayeitwa, Vyacheslav (Slava)

Alianza kujifunza Biblia pamoja na Mashahidi wa Yehova katika miaka ya mapema ya 1990, kisha akabatiwa katika mwaka wa 1997

Maelezo ya Kibinafsi

Ni changamoto gani ngumu zaidi ambayo ulikabili?

Huenda jambo gumu zaidi lilikuwa kutenganishwa na wapendwa wangu na kutambua kwamba siwezi kufanya chochote ili kuwasaidia. Nilikuwa na wasiwasi mwingi nilipowaza jinsi familia yangu ingekabiliana na hali hii. Pia, niliwahangaikia ndugu na dada zetu kwa kuwa si nyumba yetu tu iliyofanyiwa msako.

Ni nini kilichokusaidia kudumisha mtazamo unaofaa ulipokuwa mahabusu?

Baada ya muda, nilitambua si mimi ninayeongoza mambo nilipokuwa huko. Wakati mwingine, sikujua nini kingetokea dakika inayofuata. Mlango wa jela ungefunguliwa na ningepelekwa sehemu nyingine. Nililazimika kujifunza kuwa na mtazamo unaofaa kila mara hilo lilipotokea. Matukio hayo yalipoanza kutokea, nilikumbuka maneno ya Waroma 12:21 yanayosema: “Usiache ushindwe na uovu, bali endelea kuushinda uovu kwa wema.” Nimejionea jinsi kanuni hiyo imefanya kazi mara nyingi sana maishani mwangu. Hivyo, nikaamua kwamba licha ya jinsi ninavyotendewa, ningetenda kwa fadhili. Nilijaribu kuwa mpole na mwenye fadhili kwa watu wote. Nilijaribu kuepuka kuwakasirikia waliokuwa wakinisababishia hali ngumu. Inapendeza kuona jinsi watu wanavyobadilika unapowatendea kwa fadhili wakati hawatarajii. Hilo huniletea shangwe nyingi!

Hata kabla ya majaribu haya kuipata familia yangu, nilikuwa nimekariri nyimbo mbili, “Never Give Up” (Usife Moyo Kamwe) na “Nipe Ujasiri.” Nyimbo hizo zilinigusa moyo sana. Niliziimba mara nyingi nilipokuwa kifungoni. Hilo liliniimarisha nikapata nguvu za kuendelea kuvumilia.

Ungewashauri wengine watumieje muda wao ili kujitayarisha kwa ajili ya mateso ya wakati ujao?

Usipoteze muda, imarisha hali yako ya kiroho, na uwe na mengi ya kufanya katika kazi ya Yehova sasa. . . . Kadiri unavyojihusisha katika utendaji unaomfurahisha Yehova, ndivyo utakavyokuwa na muda mchache kwa ajili ya mambo ambayo yatakukengeusha na kudhoofisha imani yako.

Tunathamini sana mfano mzuri ambao ndugu na dada zetu nchini Urusi wanaendelea kuweka wanapokabiliana na mateso. Tuna uhakika kwamba Yehova ataendelea kuwafanya kuwa ‘jasiri na wenye nguvu.’—Zaburi 138:3.

a Tarehe ya hukumu haitolewi mapema pindi zote.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI