Oktoba 4, 2024, Dada Nataliya Sharapova aliachiliwa kutoka gerezani nchini Urusi. Julai 10, 2024 alihukumiwa kifungo cha miaka mitatu gerezani. Kwa kuwa alikuwa amekaa gerezani kwa miaka miwili kabla ya hukumu yake kutolewa, sasa amemaliza kifungo chake.

Kesi yake ya uhalifu ilipokuwa ikisikilizwa mahakamani, Nataliya alisema hivi mbele ya mahakama: “Nina ndugu na dada wengi washikamanifu ambao wanaendelea kunihakikishia kwamba wananipenda. Yesu alifundisha kwamba: ‘Kwa jambo hili wote watajua kwamba ninyi ni wanafunzi wangu—mkiwa na upendo miongoni mwenu.’ (Yohana 13:35) Sikuzote mimi hufanya mambo kwa sababu ya upendo na nitaendelea kufanya hivyo.”

Nataliya anapoungana na familia yake tena, tuna uhakika kwamba Yehova ataendelea kumwonyesha yeye na watumishi wake wote waaminifu nguvu zake na ‘upendo wake mshikamanifu.’​—Zaburi 59:16, 17.