JANUARI 30, 2024
URUSI

Dada Sona Olopova Amehukumiwa Kifungo cha Miaka Miwili ya Kazi ya Kulazimishwa Gerezani

CHEZA

Januari 25, 2024, Mahakama ya Wilaya ya Tsentralniy Tolyatti iliyo katika Eneo la Samara ilimhukumu Dada Sona Olopova kifungo cha miaka miwili na kazi ngumu gerezani. Atahitaji kukaa gerezani na kufanya utumishi wa kijamii.

Maelezo Mafupi Kumhusu

Sona Olopova

Alizaliwa: 1987 (Armenia)

Maisha Yake: Familia yao ilihamia Urusi alipokuwa na umri wa miaka kumi. Alifanya kazi akiwa mtaalamu wa urembo

Alijifunza kweli za Biblia kutoka kwa mama yake. Alibatizwa na kuwa mmoja wa Mashahidi wa Yehova mwaka wa 2000

Alifunga ndoa na Anatoliy mwaka wa 2009

Maelezo ya Kibinafsi a

Ni nini kilichokusaidia kudumisha hali nzuri ya kiroho wakati huo mgumu?

Kuna wakati ambapo haikuwa rahisi kupata wakati kwa ajili ya mambo muhimu zaidi. Kwa mfano, kujitayarisha kwenda mahakamani kunachukua muda mwingi sana. Siku moja nilipokuwa nikisoma faili za kesi, nilijiambia: Ninahitaji kuacha, nisali, nisome Biblia, na kumsikiliza Yehova. Ndipo nimalizie kujitayarisha.’ Nina uhakika kwamba ikiwa nitatanguliza mambo muhimu zaidi na kumtumaini Yehova, sikuzote mambo yatakuwa sawa.

Tuna uhakika kwamba Yehova ataendelea kumwongoza Sona kwa upendo na kumlinda yeye pamoja na watumishi wengine wote waaminifu wanaoendelea kumtumaini Yehova.—Zaburi 86:2.

Mfuatano wa Matukio

Mei 15, 2023

Kesi ya uhalifu ilifunguliwa
Mei 16, 2023

Nyumba ilifanyiwa msako. Dada Sona alihojiwa na kuwekewa vizuizi vya kusafiri
Septemba 6, 2023

Kesi ya uhalifu ilianza
Januari 25, 2024

Alihukumiwa kifungo cha miaka miwili na kazi ngumu gerezani

a Mahojiano pamoja na Dada Olopova yalifanywa kabla ya hukumu kutolewa.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI