AGOSTI 18, 2021
URUSI

Dada Viktoriya Verkhoturova Anadumisha Shangwe Yake Licha ya Kukabili Kifungo

CHEZA

Mfuatano wa Matukio

Novemba 29, 2021, Mahakama ya Wilaya ya Priokskiy iliyoko Nizhny Novgorod ilimhukumu Dada Viktoriya Verkhoturova kifungo cha nje cha miaka minne. Hatahitaji kwenda gerezani wakati huu
Julai 17, 2020

Viktoriya anawekewa vizuizi vya usafiri
Machi 26, 2020

Kesi ya uhalifu inafunguliwa dhidi ya Viktoriya
Julai 17, 2019

Maofisa kumi wa usalama, pamoja na mpelelezi wanaendesha upekuzi katika nyumba yake kwa saa tano. Walimweka Viktoriya katika chumba tofauti na mume wake, Sergey. Maofisa walijaribu kumtisha Viktoriya kwa kumwambia kuhusu hali mbaya zilizopo gerezani

Maelezo Mafupi Kumhusu

Viktoriya Verkhoturova

Alizaliwa: 1976 (Uzbekistan)

Maisha Yake: Ndiye mchanga kati ya dada watatu. Anafanya kazi akiwa muuguzi. Anapenda kuogelea na kwenda matembezi

Tangu alipokuwa mtoto, alisikitishwa na ufupi wa maisha na aliogopa kifo. Alichochewa kujifunza Biblia na Mashahidi wa Yehova baada ya kuona mchoro wa ahadi ya Biblia ya paradiso na kujifunza kwamba kifo kitaondolewa. Alibatizwa mwaka wa 1998. Alifunga ndoa na Sergey mwaka wa 2001

Maelezo ya Kibinafsi

Ni nini ambacho kimekusaidia kudumisha shangwe yako na kuepuka kulemewa na mahangaiko?

Mbali na kusoma Biblia kila siku na kujifunza andiko la siku, tulianza kusikiliza sana nyimbo zilizotungwa kwenye JW Broadcasting. Pia nilijiwekea sheria kwamba kila siku nitasali kuomba shangwe na kuwapenda adui zangu. Kwa sababu hiyo, ninaendelea kuwa na shangwe.

Uhusiano wako na Yehova umeimarishwaje kupitia hali hii?

Yehova amekuwa halisi zaidi kwangu. Yeye ni Baba anayetutunza kwa wororo. Ninajionea jinsi anavyonitegemeza mimi na mume wangu. Ninasali na kuhisi kwamba Baba yetu yuko kando yetu tunapokuwa mahakamani wakati wa kesi. Ninaendelea kuwa mtulivu na ninajihisi nikiwa jasiri.

Je, kuna maandiko yoyote ambayo yamekusaidia kuvumilia kwa shangwe?

Zaburi 118:6, 7. Mistari hii inanikumbusha kwamba maadui wetu hawana nguvu zozote wanapolinganishwa na Muumba Mtukufu wa ulimwengu wote. Anadhibiti kila kitu, na wanadamu hawana uwezo wa kufanya chochote kuzuia mapenzi yake yasitimizwe. Niko katika mikono salama ya Mungu!

Licha ya mateso, ndugu na dada zetu nchini Urusi wanaendelea kuwa na shangwe kwa msaada wa Yehova. Tunajua ataendelea kuwaandalia ndugu hao wapendwa ‘shangwe na amani.’—Waroma 15:13.

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI