MACHI 6, 2024
URUSI

Dada Yelena Kozhevnikova Ahukumiwa Kifungo cha Nje cha Miaka Miwili

CHEZA

Machi 4, 2024, Mahakama ya Tsentralniy iliyo katika Wilaya ya Tolyatti Eneo la Samara ilimhukumu Dada Yelena Kozhevnikova. Alihukumiwa kifungo cha nje cha miaka miwili. Hahitaji kwenda gerezani wakati huu.

Maelezo Mafupi Kumhusu

Yelena Kozhevnikova

Alizaliwa: 1961 (Ivanovo, Eneo la Ivanovo)

Maisha Yake: Alifanya kazi kwenye kitengo cha mauzo katika duka kubwa. Mwana wake wa pekee alikufa alipokuwa na umri wa miaka 18

Aliamua kusoma Biblia yote. Alianza kujifunza Biblia na Mashahidi wa Yehova na akapata majibu yenye kuridhisha ya maswali yake. Alibatizwa mwaka wa 1998

Maelezo ya Kibinafsi a

Umenufaikaje wengine waliposali kwa niaba yako?

Sala zilizotolewa na familia yangu ya kiroho kwa niaba yangu, zilinisaidia kuimarisha uhakika wangu na kutokata tamaa kwa sababu ya magumu ninayopitia. Sala hizo, pamoja na sala zangu, zinajibiwa na mara zote Yehova ananipa amani ya akili. Sala hizo zinanisaidia kufikiria kwa makini na kufanya uamuzi wa hekima. Moyo wa Yehova unashangilia sana anapoona tukisali kwa ajili ya wengine. Ninaweza kuwazia Yehova akitazama chini huku akitabasamu na kutuona tukiwa na umoja kama huu. Kujionea matokeo ya sala hizo kumenichochea kuendelea kusali kwa ajili ya wengine pia.

Tunashangilia kujua kwamba Yehova anajibu sala zetu na kumpa Yelena “nguvu kupitia roho yake” pamoja na ndugu na dada wote wanaoendelea kuvumilia mateso.—Waefeso 3:16.

Mfuatano wa Matukio

Mei 15, 2023

Kesi ya uhalifu ilifunguliwa
Mei 16, 2023

Nyumba ilifanyiwa msako
Mei 18, 2023

Aliwekewa vizuizi vya kusafiri
Agosti 16, 2023

Kesi ya uhalifu ilianza
Machi 4, 2024

Alihukumiwa miaka miwili ya kifungo cha nje

a Maelezo ya Dada Kozhevnikova yalichukuliwa kabla ya hukumu kutolewa.

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI