JULAI 31, 2024
URUSI

Dada Yuliya Globa Amehukumiwa Kifungo cha Nje

CHEZA

Juni 25, 2024 Mahakama ya Wilaya ya Unechenskiy katika Eneo la Bryansk ilimhukumu Dada Yulia Globa. Alihukumiwa kifungo cha nje cha miaka miwili na miezi sita. Hahitaji kwenda gerezani wakati huu.

Maelezo Mafupi Kumhusu

Yulia Globa

Alizaliwa: 1982 (Ukrainia)

Maisha Yake: Alikuwa mwalimu wa Kiingereza.

Alihangaishwa sana hali ya wafu, kwa sababu hakujua ni nini hutokea tunapokufa. Majibu aliyopata kwenye Biblia yalimfariji. Yulia na dada zake wawili wadogo walibatizwa na kuwa Mashahidi wa Yehova mwaka wa 2003

Alifunga ndoa na Ernst mwaka wa 2018

Maelezo ya Kibinafsi

Ni nini kinachokusaidia kuendelea kuwa karibu na Yehova katika kipindi hiki kigumu sana?

Ndugu mmoja alitukumbusha mimi na mume wangu, Ernst kwamba mateso haya si pambano la kisheria bali ni vita vya kiroho. Alitukumbusha kwamba Yehova anatuona kuwa washindi maadamu tunaendelea kuvumilia. Ninapofikiria hali yangu kwa maoni hayo, ninahisi utulivu na amani ya akili. Ninajivunia kuendelea kudumisha ushikamanifu kwa Yehova.

Pia sala hunisaidia. Kila jioni, mimi huorodhesha baraka ambazo nimepata siku hiyo. Kisha ninatenga muda wa kummiminia moyo wangu na kumshukuru kwa upendo wake anaonionyesha kwa kunipa baraka hizo. Hilo hunihakikishia kwamba Yehova yuko karibu nami wakati wote, ni kana kwamba ameshuka na kunikumbatia kwa upendo kwa mikono yake.

Tunafurahi kujua kwamba sisi pia tunaweza ‘kumwaga mioyo yetu mbele za Yehova,’ tukiwa na uhakika kwamba Yeye atakuwa kimbilio letu.—Zaburi 62:7, 8.

Mfuatano wa Matukio

Mei 31, 2023

Kesi ya uhalifu yafunguliwa.
Juni 22, 2023

Nyumba ya Yulia na Ernst yafanyiwa msako, kisha wanahojiwa
Septemba 28, 2023

Anawekewa vizuizi vya kusafiri
Januari 31, 2024

Kesi ya uhalifu yaanza kusikilizwa
Juni 25, 2024

Ahukumiwa kifungo cha nje cha miaka miwili na miezi sita

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI