NOVEMBA 24, 2022 | HABARI ZILIONGEZWA: AGOSTI 21, 2023
URUSI

HABARI ZA HIVI KARIBUNI—NDUGU AFUNGWA | Tumeazimia Kuendelea Kumtumikia Yehova kwa Bidii Licha ya Mateso

CHEZA

Agosti 18, 2023, Mahakama ya Eneo ya Altai ilibadili hukumu ambayo Ndugu Pavel Kazadaev alikuwa amepewa awali ya kifungo cha nje na kumhukumu kifungo cha miaka mitatu gerezani. Alipelekwa gerezani moja kwa moja kutoka mahakamani.

Mei 29, 2023, Mahakama ya Wilaya ya Industrialny District Court iliyo Barnaul katika Eneo la Altai ilimhukumu Ndugu Pavel Kazadaev kifungo cha nje cha miaka mitatu. Hahitaji kwenda gerezani wakati huu.

Maelezo Mafupi Kumhusu

Pavel Kazadaev

Alizaliwa: 1996 (Ust-Ilimsk, Eneo la Irkutsk)

Maisha Yake: Anafanya kazi ya kuweka na kudumisha vingora vya moto na mifumo ya usalama

Alibatizwa na kuwa Shahidi wa Yehova mwaka wa 2010. Badala ya kutumika jeshini, aliamua kufanya utumishi wa badala wa kiraia ambapo aliombwa kufanya kazi posta

Alifunga ndoa na Darya mwaka wa 2020

Maelezo ya Kibinafsi

Majaribu yameathirije miradi yenu ya kiroho?

Mimi na mke wangu tulikuwa tumejiwekea lengo la kupanua utumishi wetu kwa kuhudhuria Shule ya Waeneza-Injili wa Ufalme. Hata hivyo, nilipokamatwa na kufunguliwa kesi, tuliona kwamba tutahitaji kusimamisha mpango huo kwa muda. Lakini kuna ndugu mmoja ambaye alitusaidia kuwa na mtazamo tofauti kuhusu hali yetu. Kwa hiyo, badala ya kuona hali hii kama kitu kinachotuzuia kufikia malengo yetu, tunaweza kuiona kama mgawo mpya kutoka kwa Yehova. Tumeazimia kuendelea kumtumikia Yehova kwa bidii na kufanya yote tuwezayo ili kuwasaidia wengine popote tulipo.

Imani yetu inaimarishwa tunapowaona watu wa Yehova wakiendelea kumtumikia kwa bidii na shangwe licha ya majaribu.—Mathayo 5:11.

Mfuatano wa Matukio

Mei 11, 2021

Kesi ya uhalifu ilifunguliwa
Mei 27, 2021

Maofisa wa polisi walianzisha msako ambao waliuita “Har-Magedoni.” Wakifanya msako huo, maofisa hao walipekua nyumba ya Pavel iliyo Novokuznetsk na pia nyumba ya watu wake wa ukoo wanaoishi katika eneo tofauti. Pavel na mke wake walipelekwa Barnaul, jiji lililo kilometa 350 kutoka nyumbani kwao, ili wakahojiwe. Pavel alishtakiwa kwa madai ya uhalifu, yaani, kwamba alishiriki katika utendaji wa shirika lenye msimamo mkali, na akawekwa kizuizini
Mei 28, 2021

Aliachiliwa kutoka kizuizini na akawekewa vizuizi vya kusafiri
Agosti 12, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI