DESEMBA 27, 2022 | HABARI ZILIONGEZWA: MACHI 27, 2023
URUSI

HABARI ZA KARIBUNI—APIGWA FAINI | “Tunapokabili Majaribu, Yehova Mwenyewe Anatupa Nguvu”

CHEZA

Machi 23, 2023, Mahakama ya Jiji la Apatity iliyo katika Eneo la Murmansk ilimhukumu Ndugu Denis Merkulov. Alitozwa faini ya rubo 500,000 (dola 6,485.00 za Marekani).

Maelezo Mafupi Kumhusu

Denis Merkulov

Alizaliwa: 1976 (Kirovsk, Eneo la Murmansk)

Maisha Yake: Yeye ni fundi-umeme na anafanya kazi ya kuchomelea vyuma pia

Alihangaishwa sana na jinsi kifo kisivyoepukika. Alifurahi kujua kusudi la Mungu kwa wanadamu alipojifunza na Mashahidi wa Yehova. Alibatizwa mwaka wa 1995. Alifunga ndoa na Nataliya mwaka wa 1998

Maelezo ya Kibinafsi

Umejifunza nini kujihusu kutokana na jaribu hili?

Nimeelewa kwamba majaribu hayamfanyi mtu awe na utu mzuri zaidi kimuujiza. Kumtegemea Yehova kila siku ndilo jambo linalonisaidia kuvumilia. Ninajiuliza mara kwa mara: ‘Maamuzi ninayofanya kila siku na malengo ninayojiwekea yanaonyesha ninamtegemea Yehova kiasi gani? Ninatenga muda mwingi kiasi gani kwa ajili kusoma Biblia, kutayarisha mikutano, na kuhubiri habari njema?’ Jambo hili ni mojawapo ya mambo yanayobadili maisha ya mtu kabisa na kile ambacho kimenisaidia kuwa mtulivu na kuvumilia ni uhusiano mzuri na Yehova.

Je, kuna andiko katika Biblia ambalo limekusaidia katika kipindi hiki?

Mimi na mke wangu tulizungumzia Isaya 41:10 usiku uliotangulia kukamatwa kwangu. Andiko hilo linasema: “Usiogope, kwa maana mimi niko pamoja nawe. Usihangaike, kwa maana mimi ni Mungu wako. Nitakutia nguvu, naam, nitakusaidia, nitakushika kwelikweli kwa mkono wangu wa kuume wa uadilifu.” Nilipowekwa kizuizini siku iliyofuata, nilirudia andiko hilo kimoyo-moyo tena na tena. Nilirudia fungu la maneno kisha nilitua, nikasali na kutakafari kila neno. Katika kipindi hicho nilihisi kana kwamba Yehova ananiambia maneno hayo moja kwa moja. Hilo lilifanya nitambue kwamba Yehova anaruhusu tupatwe na majaribu si kwa sababu anaona kwamba sisi wenyewe tuna nguvu za kuyahimili, badala yake, tunapokabili majaribu, Yehova mwenyewe anatupa nguvu.

Tunafajirika kujua kwamba hata tukikabili majaribu ya aina gani, maadamu tuna uhusiano mzuri na Yehova na tunamtegemea, ‘atatufanya tuwe imara na atatutia nguvu.’—1 Petro 5:10.

Mfuatano wa Matukio

Julai 21, 2021

Maofisa walifanya msako katika nyumba 14 za Mashahidi wa Yehova katika jiji la Apatity. Maofisa wa FSB walivamia nyumba ya Merkulov na kuwapeleka wenzi hao kituoni ili kuwahoji. Waliwaruhusu kurudi nyumbani kesho yake saa 10 alfajiri
Julai 22, 2021

Maofisa wa upelelezi walimwita Denis tena. Aliwekwa kizuizini
Julai 23, 2021

Aliachiliwa na kuwekwa kwenye kifungo cha nyumbani
Septemba 17, 2021

Aliondolewa kifungo cha nyumbani na kuwekewa vizuizi vya kusafiri
Julai 15, 2022

Alishtakiwa kwa kupanga utendaji wa shirika lenye msimamo mkali hasa “kuimba nyimbo” na “kusali kwa Yehova Mungu”
Septemba 20, 2022

Kesi ya uhalifu ilianza

Huenda Ukapenda Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI