FEBRUARI 21, 2024 | HABARI ZIMEONGEZWA: MACHI 25, 2024
URUSI

HABARI ZA KARIBUNI—DADA AHUKUMIWA | Aliimarishwa na Ndugu na Dada Wengi

CHEZA

Machi 22, 2024, Mahakama ya Wilaya ya Tolyatti ilimhukumu Dada Yelena Yurenkova kifungo cha nje cha miaka miwili. Hahitaji kwenda gerezani wakati huu.

Maelezo Mafupi Kumhusu

Yelena Yurenkova

Alizaliwa: 1970 (Tolyatti, Mkoa wa Samara)

Maisha Yake: Alishindwa kupata majibu kuhusu kusudi la uhai kwenye falsafa na kwenye maandishi ya watu wasioamini kwamba kuna Mungu. Alikuja kusadiki kwamba ukweli unapatikana katika Biblia baada ya kujifunza na Mashahidi wa Yehova. Alibatizwa mwaka wa 1999

Alifunga ndoa na Yuriy mwaka wa 2000. Wana binti wawili

Maelezo ya Kibinafsi

Ndugu na dada zako walikusaidiaje?

Nilipokutana na wakili aliyeteuliwa na mahakama hakuelewa kwa nini sikufurahia tu kusoma Biblia na kusali nikiwa peke yangu. Alishangaa kwa nini nilitaka kuwa pamoja na ndugu na dada zangu kwa ajili ya ibada, hasa wakati ambapo kufanya hivyo kulisababisha niteswe. Nilimuuliza ikiwa anapenda kutumia wakati kutembelea eneo lililo na msitu. Alinijibu kwamba anaishi kwenye eneo lenye misitu na anafurahia mazingira hayo matulivu. Nilimweleza kwamba kuzungukwa na ndugu na dada zangu ni kama kuwa katikati ya msitu mkubwa na maridadi. Sisi si kama miti iliyotelekezwa na kuachwa bali tunategemezana na kuimarishana.

Tunamshukuru sana Yehova kwa kumtegemeza Yelena kwa upendo na wote wanaoendelea kuvumilia mateso huku tukiendelea ‘kumtumikia bega kwa bega.’—Sefania 3:9.

Mfuatano wa Matukio

Mei 15, 2023

Kesi ya uhalifu ilifunguliwa
Mei 16, 2023

Nyumba ilifanyiwa msako. Akahojiwa na kuwekewa vizuizi vya kusafiri
Juni 5, 2023

Alifunguliwa mashtaka
Agosti 23, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI