MEI 1, 2023| HABARI ZILIONGEZWA: AGOSTI 30, 2023
URUSI

HABARI ZA KARIBUNI—DADA AHUKUMIWA | “Matatizo Yangu ni ya Muda Mfupi Tu”

CHEZA

Agosti 28, 2023, Mahakama ya Wilaya ya Urupskiy iliyo katika Jamhuri ya Karachayevo-Circassian ilimhukumu Dada Irina Perefileva kifungo cha nje cha miaka mitano na miezi sita. Hahitaji kwenda gerezani wakati huu.

Maelezo Mafupi Kumhusu

Irina Perefileva

Alizaliwa: Mwaka wa1965 (Verkhnyaya Pyshma, Eneo la Sverdlovsk)

Maisha Yake: Alifanya kazi ya ujenzi na huduma za usafi

Ana watoto wawili wa kiume

Aliwajua Mashahidi wa Yehova kupitia mama yake. Alifurahi sana kujua kile ambacho Biblia inasema kuhusu maana ya uhai, furaha, na wakati ujao. Alibatizwa mwaka wa 2003

Maelezo ya Kibinafsi

Changamoto hii ngumu imekuimarishaje?

Hapo mwanzoni, nilikuwa na woga sana na wasiwasi nilipohojiwa mara kadhaa za kwanza. Nilimwendea Yehova katika sala anipe amani na kunisaidia niwe mtulivu. Kwa msaada wake, nimefaulu kuwa mwenye urafiki, kuwa mwenye amani, na kuepuka kuudhika haraka, hata hali ziweje.

Pia, ndugu na dada wananitegemeza sana. Wananikumbusha kwamba matatizo yangu ni ya muda mfupi tu na kwamba Yehova yuko pamoja nami ili kunisaidia na kunilinda.

Kama vile Irina, sisi pia tunafarijika kujua kwamba hata majaribu yetu yawe magumu kadiri gani, ni ya ‘muda mfupi na ni mepesi’ yakilinganishwa na baraka ambazo Yehova amewawekea watumishi wake waaminifu.—2 Wakorintho 4:17.

Mfuatano wa Matukio

Januari 9, 2021

Nyumba ilipigwa msako
Novemba 22, 2021

Kesi ya uhalifu ilianza
Novemba 23, 2021

Nyumba ilipigwa msako tena
Novemba 29, 2021

Alihukumiwa kwa kushiriki katika utendaji wa shirika lenye msimamo mkali
Oktoba 15, 2022

Aliwekewa vizuizi vya kusafiri
Desemba 6, 2022

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI