SEPTEMBA 13, 20232023 | HABARI ZIMEONGEZWA: MACHI 12, 2024
URUSI

HABARI ZA KARIBUNI—DADA AHUKUMIWA | “Ninajivunia kuwa Shahidi wa Yehova!”

CHEZA

Machi 1, 2024, Mahakama ya Wilaya ya Sovietskiy iliyo katika Jiji la Oryol ilimhukumu Dada Tatyana Piskareva kifungo cha miaka miwili na nusu na kazi ngumu gerezani. Atahitaji kukaa gerezani na kufanya utumishi wa kijamii kwenye eneo alilopangiwa.

Maelezo Mafupi Kumhusu

Tatyana Piskareva

Alizaliwa: 1956 (Belenikhino, Eneo la Belgorod)

Maisha Yake: Alifanya kazi ya uhasibu

Alifunga ndoa na Vladimir mwaka wa 1976. Wana watoto wawili

Aliwafahamu Mashahidi wa Yehova kupitia jirani yake. Jambo lililomvutia ni ujuzi wao wa Biblia na pia jinsi walivyokuwa wenye fadhili. Tatyana na Vladimir walibatizwa mwaka wa 1995

Vladimir alikamatwa Desemba 9, 2020, na akawekwa kizuizini Desemba 11, 2020. Makala hii ilipokuwa ikiandikwa bado Vladimir alikuwa kizuizini

Maelezo ya Kibinafsi

Kwa kuwa mume wako yuko kizuizini na kesi ya uhalifu imefunguliwa dhidi yako, ni andiko gani linalokutia nguvu?

Andiko la Zaburi 139:4, 5 hunitia moyo sana, linasema: “Kabla sijatamka neno lolote kwa ulimi wangu, Tazama! Ee Yehova, tayari unalijua vizuri. Unanizingira nyuma na mbele; nawe unauweka mkono wako juu yangu.” Hata ninapokabili hali ngumu sana bado ninahisi kwamba Yehova yuko pamoja nami. Nina uhakika kwamba kwa msaada wake ninaweza kuvumilia jaribu lolote litakalokuja. Nina amani moyoni. Sasa nimeazimia kuliko wakati mwingine wowote kuwaeleza wengine kumhusu Yehova. Ninajivunia kuwa Shahidi wa Yehova!

Kama Tatyana, tunajua tunamwakilisha Yehova na kwamba siku zote yuko pamoja nasi. Kujua hilo kunatupa nguvu na kutufariji. Tunaliona kuwa pendeleo kubwa kuwa Mashahidi wa Yehova.—Isaya 44:8.

Mfuatano wa Matukio

Desemba 9, 2020

Nyumba ya Vladimir na Tatyana ilifanyiwa msako. Vladimir alikamatwa
Desemba 11, 2020

Vladimir alipelekwa kizuizini
Oktoba 28, 2021

Kesi ya uhalifu ilifunguliwa dhidi ya Tatyana
Aprili 10, 2023

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI