JUNI 20, 2023 | HABARI ZILIONGEZWA: AGOSTI 23, 2023
URUSI

HABARI ZA KARIBUNI—DADA AHUKUMIWA | “Ninaweza Kubaki Mwaminifu na Mshikamanifu”

CHEZA

Agosti 22, 2023, Mahakama ya Wilaya ya Oktyabrskiy iliyo Novosibirsk ilimhukumu Dada Tatyana Oleynik kifungo cha nje cha miaka minne. Hahitaji kwenda gerezani wakati huu.

Maelezo Mafupi Kumhusu

Tatyana Oleynik

Alizaliwa: 1952 (Khrushchevo, Eneo la Tula)

Maisha Yake: Mama ya Tatyana alikufa Tatyana akiwa na umri wa miaka mitano. Tatyana alifanya kazi ya kuendesha kreni. Ana watoto wawili wakubwa, mmoja wa kiume na mwingine wa kike

Alibatizwa na kuwa Shahidi wa Yehova mwaka wa 2001

Maelezo ya Kibinafsi

Ni sifa gani ya Kikristo ambayo imekusaidia katika kipindi hiki kigumu?

Ninakabili hali ngumu sana, hata hivyo, sasa ninaelewa vizuri zaidi umuhimu wa kuwa mnyenyekevu. Hapo awali, mara nyingi nilifanya mambo kwa njia yangu mwenyewe. Lakini kujionea faida ya kufuata kwa ukaribu mwongozo tunaopata kumenichochea kuendelea kutii.

Umenufaikaje kutokana na mifano ya wengine ambao wanavumilia mateso?

Ninaposoma au kusikia kuhusu ndugu na dada wanaovumilia mateso, ninakumbuka kwamba siko peke yangu. Ikiwa ndugu na dada zangu wanaweza kuvumilia, mimi pia ninaweza kubaki mwaminifu na mshikamanifu kwa Yehova. Ninamjua Ndugu Aleksandr Seredkin na mke wake. Kwa sasa, ndugu huyo anatumikia kifungo cha miaka sita gerezani. Mfano wao umenitia moyo sana na umenionyesha kwamba Yehova ana njia nyingi za kututunza. Maneno ya Waebrania 13:5, 6 ni ya kweli: “Kwa maana amesema: ‘Sitakuacha wala kukutupa kamwe.’ Ili tuwe hodari na kusema: ‘Yehova ni msaidizi wangu; sitaogopa.’”

Tuna uhakika kwamba Yehova ataendelea kumbariki Tatyana na wote ambao wako “tayari kutii” katika mambo yote.—Yakobo 3:17.

Mfuatano wa Matukio

Aprili 19, 2019

Nyumba yafanyiwa msako
Novemba 18, 2021

Kesi ya uhalifu yafunguliwa
Januari 26, 2023

Kesi ya uhalifu yaanza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI